21 Timothy 2

1Therfor Y biseche first of alle thingis, that bisechingis, preieris, axyngis, doyngis of thankyngis, ben maad for alle men,Select 1 Timothy 2:1

2for kingis and alle that ben set in hiynesse, that we leden a quyet and a pesible lijf, in al pite and chastite.Select 1 Timothy 2:2

3For this thing is good and acceptid bifor God,Select 1 Timothy 2:3

4oure sauyour, that wole that alle men ben maad saaf, and that thei come to the knowyng of treuthe.Select 1 Timothy 2:4

5For o God and a mediatour is of God and of men, a man Crist Jhesus,Select 1 Timothy 2:5

6that yaf him silf redempcioun for alle men. Whos witnessing is confermyd in his tymes;Select 1 Timothy 2:6

7in which Y am set a prechour and an apostle. For Y seye treuthe, and Y lie not, that am a techere of hethene men in feith and in treuthe.Select 1 Timothy 2:7

8Therfor Y wole, that men preye in al place, liftinge vp clene hondis with outen wraththe and strijf.Select 1 Timothy 2:8

9Also wymmen in couenable abite, with schamefastnesse and sobrenesse araiynge hem silf, not in writhun heeris, ethir in gold, ethir peerlis, ethir preciouse cloth; but that that bicometh wymmen,Select 1 Timothy 2:9

10biheetinge pite bi good werkis.Select 1 Timothy 2:10

11A womman lerne in silence, with al subieccioun.Select 1 Timothy 2:11

12But Y suffre not a womman to teche, nether to haue lordschip on the hosebonde, but to be in silence.Select 1 Timothy 2:12

13For Adam was first formed, aftirward Eue;Select 1 Timothy 2:13

14and Adam was not disseyued, but the womman was disseyued, in breking of the lawe.Select 1 Timothy 2:14

15But sche schal be sauyd bi generacioun of children, if sche dwellith perfitli in feith, and loue, and hoolynesse, with sobrenesse.Select 1 Timothy 2:15