102 Corinthians 10

1And Y my silf Poul biseche you, bi the myldenesse and softnesse of Crist, which in the face am meke among you, and Y absent triste in you.Select 2 Corinthians 10:1

2For Y preie you, that lest Y present be not bold bi the trist, in which Y am gessid to be bold in to summe, that demen vs, as if we wandren aftir the fleisch.Select 2 Corinthians 10:2

3For we walkynge in fleisch, fiyten not aftir the fleisch.Select 2 Corinthians 10:3

4For the armuris of oure knyythod ben not fleischli, but myyti bi God to the distruccioun of strengthis. And we distrien counsels,Select 2 Corinthians 10:4

5and alle hiynesse that hiyeth it silf ayens the science of God, and dryuen `in to caitifte al vndirstonding in to the seruyce of Crist.Select 2 Corinthians 10:5

6And we han redi to venge al vnobedience, whanne youre obedience schal be fillid.Select 2 Corinthians 10:6

7Se ye the thingis that ben after the face. If ony man trustith to him silf, that he is of Crist, thenke he this thing eft anentis hym silf,Select 2 Corinthians 10:7

8for as he is Cristis, so also we. For if Y schal glorie ony thing more of oure power, which the Lord yaf to vs in to edifiyng, and not in to youre distruccioun, Y schal not be schamed.Select 2 Corinthians 10:8

9But that Y be not gessid as to fere you bi epistlis,Select 2 Corinthians 10:9

10for thei seien, That epistlis ben greuouse and stronge, but the presence of the bodi is feble, and the word worthi to be dispisid.Select 2 Corinthians 10:10

11He that is suche oon, thenke this, for suche as we absent ben in word bi pistlis, suche we ben present in dede.Select 2 Corinthians 10:11

12For we doren not putte vs among, or comparisoune vs to summen, that comenden hem silf; but we mesuren vs in vs silf, and comparisounen vs silf to vs.Select 2 Corinthians 10:12

13For we schulen not haue glorie ouer mesure, but bi the mesure of the reule which God mesuride to vs, the mesure that stretchith to you.Select 2 Corinthians 10:13

14For we ouerstretchen not forth vs, as not stretchinge to you. For to you we camen in the gospel of Crist,Select 2 Corinthians 10:14

15not gloriynge ouer mesure in othere mennus trauelis. For we `han hope of youre feith that wexith in you to be magnefied bi oure reule in abundaunce,Select 2 Corinthians 10:15

16also to preche in to tho thingis that ben biyendis you, not to haue glorie in othere mennus reule, in these thingis that ben maad redi.Select 2 Corinthians 10:16

17He that glorieth, haue glorie in the Lord.Select 2 Corinthians 10:17

18For not he that comendith hym silf is preuyd, but whom God comendith.Select 2 Corinthians 10:18