112 Corinthians 11

1I wolde that ye wolden suffre a litil thing of myn vnwisdom, but also supporte ye me.Select 2 Corinthians 11:1

2For Y loue you bi the loue of God; for Y haue spousid you to oon hosebonde, to yelde a chast virgyn to Crist.Select 2 Corinthians 11:2

3But Y drede, lest as the serpent disseyuede Eue with his sutil fraude, so youre wittis ben corrupt, and fallen doun fro the symplenesse that is in Crist.Select 2 Corinthians 11:3

4For if he that cometh, prechith anothir Crist, whom we precheden not, or if ye taken another spirit, whom ye token not, or another gospel, which ye resseyueden not, riytli ye schulden suffre.Select 2 Corinthians 11:4

5For Y wene that Y haue don no thing lesse than the grete apostlis.Select 2 Corinthians 11:5

6For thouy Y be vnlerud in word, but not in kunnyng. For in alle thingis Y am open to you.Select 2 Corinthians 11:6

7Or whether Y haue don synne, mekynge my silf, that ye be enhaunsid, for freli Y prechide to you the gospel of God?Select 2 Corinthians 11:7

8Y made nakid othere chirchis, and Y took sowde to youre seruyce.Select 2 Corinthians 11:8

9And whanne Y was among you, and hadde nede, Y was chargeouse to no man; for britheren that camen fro Macedonye, fulfilliden that that failide to me. And in alle thingis Y haue kept, and schal kepe me with outen charge to you.Select 2 Corinthians 11:9

10The treuthe of Crist is in me; for this glorie schal not be brokun in me in the cuntreis of Acaie.Select 2 Corinthians 11:10

11Whi? for Y loue not you?Select 2 Corinthians 11:11

12God woot. For that that Y do, and that Y schal do, is that Y kitte awei the occasioun of hem that wolen occasioun, that in the thing, in which thei glorien, thei be foundun as we.Select 2 Corinthians 11:12

13For siche false apostlis ben trecherouse werk men, and transfiguren hem in to apostlis of Crist.Select 2 Corinthians 11:13

14And no wondur, for Sathanas hym silf transfigurith hym in to an aungel of light.Select 2 Corinthians 11:14

15Therfor it is not greet, if hise mynystris ben transfigurid as the mynystris of riytwisnesse, whos ende schal be aftir her werkis.Select 2 Corinthians 11:15

16Eft Y seie, lest ony man gesse me to be vnwise; ellis take ye me as vnwise, that also Y haue glorie a litil what.Select 2 Corinthians 11:16

17That that Y speke, Y speke not aftir God, but as in vnwisdom, in this substaunce of glorie.Select 2 Corinthians 11:17

18For many men glorien aftir the fleisch, and Y schal glorie.Select 2 Corinthians 11:18

19For ye suffren gladli vnwise men, whanne ye silf ben wise.Select 2 Corinthians 11:19

20For ye susteynen, if ony man dryueth you in to seruage, if ony man deuourith, if ony man takith, if ony man is enhaunsid, if ony man smytith you on the face.Select 2 Corinthians 11:20

21Bi vnnoblei Y seie, as if we weren sike in this parti. In what thing ony man dar, in vnwisdom Y seie, and Y dar.Select 2 Corinthians 11:21

22Thei ben Ebrewis, and Y; thei ben Israelitis, and Y; thei ben the seed of Abraham, and Y;Select 2 Corinthians 11:22

23thei ben the mynystris of Crist, and Y. As lesse wise Y seie, Y more; in ful many trauelis, in prisouns more plenteuousli, in woundis aboue maner, in deethis ofte tymes.Select 2 Corinthians 11:23

24Y resseyuede of the Jewis fyue sithis fourti strokis oon lesse;Select 2 Corinthians 11:24

25thries Y was betun with yerdis, onys Y was stonyd, thries Y was at shipbreche, a nyyt and a dai Y was in the depnesse of the see;Select 2 Corinthians 11:25

26in weies ofte, in perelis of floodis, in perelis of theues, in perelis of kyn, in perelis of hethene men, in perelis in citee, in perelis in desert, in perelis in the see, in perelis among false britheren, in trauel and nedynesse,Select 2 Corinthians 11:26

27in many wakyngis, in hungur, in thirst, in many fastyngis, in coold and nakidnesse.Select 2 Corinthians 11:27

28Withouten tho thingis that ben withoutforth, myn ech daies trauelyng is the bisynesse of alle chirchis.Select 2 Corinthians 11:28

29Who is sijk, and Y am not sijk? who is sclaundrid, and Y am not brent?Select 2 Corinthians 11:29

30If it bihoueth to glorie, Y schal glorie in tho thingis that ben of myn infirmyte.Select 2 Corinthians 11:30

31God and the fadir of oure Lord Jhesu Crist, that is blessid in to worldis, woot that Y lie not.Select 2 Corinthians 11:31

32The preuost of Damask, of the kyng of the folk Arethe, kepte the citee of Damascenes to take me;Select 2 Corinthians 11:32

33and bi a wyndow in a leep Y was latun doun bi the wal, and so Y ascapide hise hondis.Select 2 Corinthians 11:33