132 Corinthians 13

1Lo! this thridde tyme Y come to you, and in the mouth of tweyne or of thre witnessis euery word schal stonde.Select 2 Corinthians 13:1

2Y seide bifor, and seie bifor, as present twies, and now absent, to hem that bifor han synned, and to alle othere; for if Y come eftsoone, Y schal not spare.Select 2 Corinthians 13:2

3Whether ye seken the preef of that Crist, that spekith in me, which is not feble in you?Select 2 Corinthians 13:3

4For thouy he was crucified of infirmyte, but he lyueth of the vertu of God. For also we ben sijk in hym, but we schulen lyue with him of the vertu of God in vs.Select 2 Corinthians 13:4

5Asaie you silf, if ye ben in the feith; ye you silf preue. Whether ye knowen not you silf, for Crist Jhesu is in you? but in happe ye ben repreuable.Select 2 Corinthians 13:5

6But Y hope, that ye knowen, that we ben not repreuable.Select 2 Corinthians 13:6

7And we preien the Lord, that ye do no thing of yuel; not that we seme preued, but that ye do that that is good, and that we ben as repreuable.Select 2 Corinthians 13:7

8For we moun no thing ayens treuthe, but for the treuthe.Select 2 Corinthians 13:8

9For we ioyen, whanne we ben sijk, but ye ben myyti; and we preien this thing, youre perfeccioun.Select 2 Corinthians 13:9

10Therfor Y absent write these thingis, that Y present do not hardere, bi the powere, which the Lord yaf to me in to edificacioun, and not in to youre distruccioun.Select 2 Corinthians 13:10

11Britheren, `hennus forward ioye ye, be ye perfit, excite ye; vndurstonde ye the same thing; haue ye pees, and God of pees and of loue schal be with you.Select 2 Corinthians 13:11

12Grete ye wel togidere in hooli cos. Alle hooli men greten you wel.Select 2 Corinthians 13:12

13The grace of oure Lord Jhesu Crist, and the charite of God, and the comynyng of the Hooli Gost, be with `you alle. Amen.Select 2 Corinthians 13:13