62 Corinthians 6

1But we helpynge monesten, that ye resseyuen not the grace of God in veyn.Select 2 Corinthians 6:1

2For he seith, In tyme wel plesinge Y haue herd thee, and in the dai of heelthe Y haue helpid thee. Lo! now a tyme acceptable, lo! now a dai of heelthe.Select 2 Corinthians 6:2

3Yyue we to no man ony offencioun, that oure seruyce be not repreued;Select 2 Corinthians 6:3

4but in alle thingis yyue we vs silf as the mynystris of God, in myche pacience, in tribulaciouns,Select 2 Corinthians 6:4

5in nedis, in angwischis, in betyngis, in prisouns, in dissensiouns with ynne, in trauels, in wakyngis, in fastyngis,Select 2 Corinthians 6:5

6in chastite, in kunnyng, in long abiding, in swetnesse, in the Hooli Goost,Select 2 Corinthians 6:6

7in charite not feined, in the word of treuthe, in the vertu of God; bi armeris of riytwisnesse on the riythalf and on the lefthalf;Select 2 Corinthians 6:7

8bi glorie and vnnoblei; bi yuel fame and good fame; as disseyueris, and trewe men; as thei that ben vnknowun, and knowun;Select 2 Corinthians 6:8

9as men diynge, and lo! we lyuen; as chastisid, and not maad deed;Select 2 Corinthians 6:9

10as sorewful, euere more ioiynge; as hauynge nede, but makynge many men riche; as no thing hauynge, and weldynge alle thingis.Select 2 Corinthians 6:10

11A! ye Corynthies, oure mouth is open to you, oure herte is alargid;Select 2 Corinthians 6:11

12ye ben not angwischid in vs, but ye ben anguischid in youre inwardnessis.Select 2 Corinthians 6:12

13And Y seie as to sones, ye that han the same reward, be ye alargid.Select 2 Corinthians 6:13

14Nyle ye bere the yok with vnfeithful men. For what parting of riytwisnes with wickidnesse? or what felouschipe of liyt to derknessis?Select 2 Corinthians 6:14

15and what acording of Crist to Belial? or what part of a feithful with the vnfeithful?Select 2 Corinthians 6:15

16and what consent to the temple of God with mawmetis? And ye ben the temple of the lyuynge God, as the Lord seith, For Y schal dwelle in hem, and Y schal walke among hem; and Y schal be God of hem, and thei schulen be a puple to me.Select 2 Corinthians 6:16

17For which thing go ye out of the myddil of hem, and be ye departid, seith the Lord, and touche ye not vnclene thing;Select 2 Corinthians 6:17

18and Y schal resseyue you, and schal be to you in to a fadir, and ye schulen be to me in to sones and douytris, seith the Lord almyyti.Select 2 Corinthians 6:18