11Acts 11

1And the apostlis, and the britheren that weren in Judee, herden that also hethene men resseyueden the word of God, and thei glorifieden God.Select Acts 11:1

2But whanne Petre cam to Jerusalem, thei that weren of circumcisioun, disputiden ayens hym,Select Acts 11:2

3and seiden, Whi entridist thou to men that han prepucie, and hast eete with hem?Select Acts 11:3

4And Petre bigan, and expownede to hem bi ordre,Select Acts 11:4

5and seide, Y was in the citee of Joppe, and preiede, and Y sai in rauysching of my mynde a visioun, that a vessel cam doun, as a greet scheete with foure coordis, and was sent doun fro heuene; and it cam to me.Select Acts 11:5

6In to which Y lokinge biheld, and sai foure footid beestis of the erthe, and beestis, and crepynge beestis, and volatils of heuene.Select Acts 11:6

7And Y herde also a vois that seide to me, Petre, rise thou, and sle, and eete.Select Acts 11:7

8But Y seide, Nay, Lord; for comyn thing ether vnclene entride neuer in to my mouth.Select Acts 11:8

9And the vois answeride the secounde tyme fro heuene, That thing that God hath clensid, seie thou not vnclene.Select Acts 11:9

10And this was don bi thries, and alle thingis weren resseyued ayen in to heuene.Select Acts 11:10

11And lo! thre men anoon stooden in the hous, in which Y was; and thei weren sent fro Cesarie to me.Select Acts 11:11

12And the spirit seide to me, that Y schulde go with hem, and doute no thing. Yhe, and these sixe britheren camen with me, and we entriden in to the hous of the man.Select Acts 11:12

13And he telde to vs, how he say an aungel in his hous, stondinge and seiynge to hym, Sende thou in to Joppe, and clepe Symount, that is named Petre, which schal speke to thee wordis,Select Acts 11:13

14in whiche thou schalt be saaf, and al thin hous.Select Acts 11:14

15And whanne Y hadde bigunnun to speke, the Hooli Goost felle on hem, as in to vs in the bigynnyng.Select Acts 11:15

16And Y bithouyte on the word of the Lord, as he seide, For Joon baptiside in watir, but ye schulen be baptisid in the Hooli Goost.Select Acts 11:16

17Therfor if God yaf to hem the same grace, as to vs that bileueden in the Lord Jhesu Crist, who was Y, that myyte forbeede the Lord, that he yyue not the Hooli Goost to hem that bileueden in the name of Jhesu Crist?Select Acts 11:17

18Whanne these thingis weren herd, thei helden pees, and glorifieden God, and seiden, Therfor also to hethene men God hath youun penaunce to lijf.Select Acts 11:18

19And thei that weren scaterid of the tribulacioun that was maad vndir Steuene, walkiden forth to Fenyce, and to Cipre, and to Antioche, and spaken the word to no man, but to Jewis aloone.Select Acts 11:19

20But sum of hem weren men of Cipre, and of Cirenen; whiche whanne thei hadden entride in to Antioche, thei spaken to the Grekis, and prechiden the Lord Jhesu.Select Acts 11:20

21And the hond of the Lord was with hem, and myche noumbre of men bileuynge was conuertid to the Lord.Select Acts 11:21

22And the word cam to the eris of the chirche, that was at Jerusalem, on these thingis; and thei senten Barnabas to Antioche.Select Acts 11:22

23And whanne he was come, and siy the grace of the Lord, he ioyede, and monestide alle men to dwelle in the Lord in purpos of herte;Select Acts 11:23

24for he was a good man, and ful of the Hooli Goost, and of feith. And myche puple was encresid to the Lord.Select Acts 11:24

25And he wente forth to Tharsis, to seke Saul; and whanne he hadde foundun hym, he ledde to Antioche.Select Acts 11:25

26And al a yeer thei lyueden ther in the chirche, and tauyten myche puple, so that the disciplis weren namyd first at Antioche cristen men.Select Acts 11:26

27And in these daies profetis camen ouer fro Jerusalem to Antioche.Select Acts 11:27

28And oon of hem roos vp, Agabus bi name, and signefiede bi the spirit a greet hungur to comynge in al the world, which hungur was maad vndur Claudius.Select Acts 11:28

29And alle the disciplis purposiden, after that ech hadde, for to sende in to mynysterie to britheren that dwelliden in Judee.Select Acts 11:29

30Which thing also thei diden, and sente it to the eldre men, bi the hoondis of Barnabas and Saul.Select Acts 11:30