3Colossians 3

1Therfor if ye han risun togidere with Crist, seke ye tho thingis that ben aboue, where Crist is sittynge in the riythalf of God.Select Colossians 3:1

2Sauere ye tho thingis, that ben aboue, not tho that ben on the erthe.Select Colossians 3:2

3For ye ben deed, and youre lijf is hid with Crist in God.Select Colossians 3:3

4For whanne Crist schal appere, youre lijf, thanne also ye schulen appere with hym in glorie.Select Colossians 3:4

5Therfor sle ye youre membris, whiche ben on the erthe, fornycacioun, vnclennesse, letcherie, yuel coueitise, and aueryse, which is seruyse of mawmetis;Select Colossians 3:5

6for whiche thingis the wraththe of God cam on the sones of vnbileue;Select Colossians 3:6

7in whiche also ye walkiden sum tyme, whanne ye lyueden in hem.Select Colossians 3:7

8But now putte ye awei alle thingis, wraththe, indignacioun, malice, blasfemye and foule word of youre mouth.Select Colossians 3:8

9Nyle ye lie togidere; spuyle ye you fro the elde man with his dedes, and clothe ye the newe man,Select Colossians 3:9

10that is maad newe ayen in to the knowing of God, aftir the ymage of hym that made hym;Select Colossians 3:10

11where is not male and female, hethene man and Jew, circumcisioun and prepucie, barbarus and Scita, bonde man and fre man, but alle thingis and in alle thingis Crist.Select Colossians 3:11

12Therfor ye, as the chosun of God, hooli and louyd, clothe you with the entrailis of merci, benygnite, and mekenesse, temperaunce, pacience;Select Colossians 3:12

13and support ye echon other, and foryyue to you silf, if ony man ayens ony hath a querele; as the Lord foryaf to you, so also ye.Select Colossians 3:13

14And vpon alle these thingis haue ye charite, that is the boond of perfeccioun.Select Colossians 3:14

15And the pees of Crist enioye in youre hertis, in which ye ben clepid in o bodi, and be ye kynde.Select Colossians 3:15

16The word of Crist dwelle in you plenteuousli, in al wisdom; and teche and moneste you silf in salmes, and ympnes, and spiritual songis, in grace synginge in youre hertis to the Lord.Select Colossians 3:16

17Al thing, what euere thing ye don, in word or in dede, alle thingis in the name of oure Lord Jhesu Crist, doynge thankyngis to God and to the fadir bi hym.Select Colossians 3:17

18Wymmen, be ye sugetis to youre hosebondis, as it bihoueth in the Lord.Select Colossians 3:18

19Men, loue ye youre wyues, and nyle ye be bittere to hem.Select Colossians 3:19

20Sones, obeie ye to youre fadir and modir bi alle thingis; for this is wel plesinge in the Lord.Select Colossians 3:20

21Fadris, nyle ye terre youre sones to indignacioun, that thei be not maad feble hertid.Select Colossians 3:21

22Seruauntis, obeie ye bi alle thingis to fleischli lordis, not seruynge at iye, as plesynge to men, but in symplenesse of herte, dredinge the Lord.Select Colossians 3:22

23What euer ye doen, worche ye of wille, as to the Lord and not to men;Select Colossians 3:23

24witinge that of the Lord ye schulen take yelding of eritage. Serue ye to the Lord Crist.Select Colossians 3:24

25For he that doith iniurie, schal resseyue that that he dide yuele; and acceptacioun of persoones is not anentis God.Select Colossians 3:25