14Deuteronomy 14

1Be ye the sones of youre Lord God; ye schulen not kitte you , nether ye schulen make ballidnesse,Select Deuteronomy 14:1

2on a deed man, for thou art an hooli puple to thi Lord God, and he chees thee that thou be to hym in to a special puple, of alle folkis that ben on erthe.Select Deuteronomy 14:2

3Ete ye not tho thingis that ben vncleene.Select Deuteronomy 14:3

4This is a beeste which ye schulen ete; an oxe, and a scheep, and a goet, an hert,Select Deuteronomy 14:4

5a capret, a `wielde oxe, tregelafun, `that is, a beeste in parti lijk `a buk of geet, and in parti liik an hert, a figarde, an ostrich, a camelioun, `that is, a beeste lijk in the heed to a camel, and hath white spottis in the bodi as a parde, and `is lijk an hors in the necke, and in the feet is lijc a `wilde oxe, and a parde.Select Deuteronomy 14:5

6Ye schulen ete ech beeste that departith the clee `in to twei partis, and chewith code.Select Deuteronomy 14:6

7Sotheli ye schulen not ete these beestis, of these that chewen code, and departen not the clee; a camel, an hare, and a cirogrille, `that is, a beeste ful of prickis, and is more than an irchoun; for tho chewen code, and departen not the clee, tho schulen be vncleene to you;Select Deuteronomy 14:7

8also a swyn, for it departith the clee, and chewith not code, schal be vncleene; ye schulen not ete the fleischis of tho, and ye schulen not touche the deed bodies.Select Deuteronomy 14:8

9Ye schulen ete these thingis, of alle that dwellen in watris; ete ye tho thingis that han fynnes and scalis;Select Deuteronomy 14:9

10ete ye not tho thingis that ben with out fynnes and scalis, for tho ben vncleene.Select Deuteronomy 14:10

11Ete ye alle clene briddis;Select Deuteronomy 14:11

12ete ye not vncleene briddis, that is, an egle, and a gripe,Select Deuteronomy 14:12

13and an aliete, ixon, `that is, a whijt brid lesse than a vultur, and is of the `kynde of vultris, and a vultur, and a kite bi his kynde,Select Deuteronomy 14:13

14and al thing of rauenys kynde,Select Deuteronomy 14:14

15and a strucioun, and a nyyt crowe, and a lare,Select Deuteronomy 14:15

16and an hauk bi his kynde, a fawcun,Select Deuteronomy 14:16

17and a swan, and a siconye, and a dippere, a pursirioun, and a reremous, a cormeraunt,Select Deuteronomy 14:17

18and a caladrie, alle in her kynde; also a lapwynke and a backe.Select Deuteronomy 14:18

19And al thing that crepith, and hath fynnes, schal be vncleene, and schal not be etun.Select Deuteronomy 14:19

20Ete ye al thing that is cleene; sotheli what euer thing is deed bi it silf, ete ye not therof.Select Deuteronomy 14:20

21Yyue thou to the pilgrym which is with ynne thi yatis, that he ete, ether sille thou to hym, for thou art the hooli puple of thi Lord God. Thou schalt not sethe a kyde in `the mylk of his modir.Select Deuteronomy 14:21

22Thou schalt departe the tenthe part of alle thi fruytis that comen forth in the lond bi ech yeer;Select Deuteronomy 14:22

23and thou schal ete in the siyt of thi Lord God, in the place which he chees, that his name be clepid therynne; thou schalt offre the tithe of thi wheete, wyn, and oile, and the firste gendryd thingis of thi droues, and scheep, that thou lerne to drede thi Lord God in al tyme.Select Deuteronomy 14:23

24Sotheli whanne the wei is lengere, and the place which thi Lord God chees is fer, and he hath blessid thee, and thou maist not bere alle these thingis to that place,Select Deuteronomy 14:24

25thou schalt sille alle thingis, and schalt turne in to prijs, and thou schalt bere in thin hond, and thou schalt go to the place which thi Lord God chees;Select Deuteronomy 14:25

26and thou schalt bie of the same money what euer thing plesith to thee, ethir of droues, ether of scheep; also thou schalt bie wyn, and sidur, and al thing that thi soule desirith; and thou schalt ete bifor thi Lord God, and thou schalt make feeste,Select Deuteronomy 14:26

27thou, and thin hows, and the dekene which is withynne thi yatis; be thou war lest thou forsake hym, for he hath not other part in possessioun.Select Deuteronomy 14:27

28In the thridde yeer thou schalt departe another dyme of alle thingis that growen to thee in that yeer, and thou schalt kepe withynne thi yatis.Select Deuteronomy 14:28

29And the dekene schal come, whych hath noon other part nether possessioun with thee, and the pilgrym, and the fadirles, ether modirles child, and widue, that ben withynne thi yatis, `schulen come, and schulen ete, and be fillid, that thi Lord God blesse thee, in alle werkis of thin hondis whiche thou schalt do.Select Deuteronomy 14:29