18Deuteronomy 18

1Preestis and dekenes, and alle men that ben of the same lynage, schulen `not haue part and eritage with the tother puple of Israel, for thei schulen ete the sacrifices of the Lord, and the offryngis of hym;Select Deuteronomy 18:1

2and thei schulen not take ony othir thing of the possessioun of her britheren; for the Lord hym silf is the `eritage of hem, as he spak to hem.Select Deuteronomy 18:2

3This schal be the doom of preestis of the puple, and of hem that offren sacrifices; whether `thei offren an oxe, ether a scheep, thei schulen yyue to the preest the schuldre, and the paunche, the firste fruytis of wheete,Select Deuteronomy 18:3

4and of wyn, and of oile, and a part of wollis of the scheryng of scheep.Select Deuteronomy 18:4

5For thi Lord God chees hym of alle thi lynagis, that he stonde and mynystre to `the name of the Lord, he and hise sones, with outen ende.Select Deuteronomy 18:5

6If a dekene goith out of oon of thi citees of al Israel, in which he dwellith, `and wole come and desirith the place which the Lord chees,Select Deuteronomy 18:6

7he schal mynystre in the name of his Lord God as alle hise britheren dekenes, that schulen stonde in that tyme byfore the Lord.Select Deuteronomy 18:7

8He schal take the same part of meetis, `which and othere dekenes schulen take; outakun that that is due to hym in his citee, bi `successioun ethir eritage `of fadir.Select Deuteronomy 18:8

9Whanne thou hast entrid in to the lond which thi Lord God schal yyue to thee, be thou war lest thou wole sue abhomynaciouns of tho folkis;Select Deuteronomy 18:9

10noon be foundun in thee that clensith his sone, ether his douytir, `and ledith bi the fier, ethir that axith questiouns of dyuynouris `that dyuynen aboute the auteris, and that taketh hede to dremes and chiteryng of bryddis; nethir ony wicche be,Select Deuteronomy 18:10

11nethir an enchauntere, `that is, that disseyueth mennus iyen that a thing seme that is not; nether a man take counsel at hem that han a feend spekynge `in the wombe, nether take counsel at false dyuynouris nethir seke of deed men the treuthe.Select Deuteronomy 18:11

12For the Lord hath abhomynacioun of alle these thingis, and for siche wickidnessis he schal do awei hem in thin entryng.Select Deuteronomy 18:12

13Thou schalt be perfit and without filthe, with thi Lord God.Select Deuteronomy 18:13

14These hethen men, `the lond of whiche thou schalt welde, heren hem that worchen bi chiteryng of briddis, and false dyuynouris; forsothe thou art tauyt in other maner of thi Lord God.Select Deuteronomy 18:14

15Thi Lord God schal reise a prophete of thi folk and of thi britheren as me, thou schalt here hym;Select Deuteronomy 18:15

16as thou axidist of thi Lord God in Oreb, whanne the cumpany was gaderid, and thou seidist, Y schal no more here the vois of my Lord God, and Y schal no more se `this grettiste fier, lest Y die.Select Deuteronomy 18:16

17And the Lord seide to me, Thei spaken wel alle thingis.Select Deuteronomy 18:17

18Y schal reise to hem a prophete, lijk thee, of the myddis of her britheren, and Y schal putte my wordis in his mouth, and he schal speke to hem alle thingis, whiche I schal comaunde to him.Select Deuteronomy 18:18

19Forsothe Y schal be vengere of `that man, that nyle here the wordis `of hym, whiche he schal speke in my name.Select Deuteronomy 18:19

20`Sotheli a prophete `schal be slayn, which is bischrewid with pride, and wole speke in my name tho thingis, whiche Y comaundide not to hym, that he schulde seie, ethir bi the name of alien goddis.Select Deuteronomy 18:20

21That if thou answerist bi pryuy thouyt, Hou may Y vndirstonde the word, which the Lord spak not? thou schalt haue this signe ,Select Deuteronomy 18:21

22`The Lord spak not this thing which thilke prophete biforseid in the name of the Lord, `and it bifallith not, but `the prophete feynede bi the pride of his soule, and therfor thou schalt not drede hym.Select Deuteronomy 18:22