23Deuteronomy 23

1A geldyng whanne hise stoonys ben brokun, ethir kit awey, and his yerde is kit awei, schal not entre in to the chirche of the Lord.Select Deuteronomy 23:1

2A child borun of hordom schal not entre in to the chirche of the Lord, `til to the tenthe generacioun.Select Deuteronomy 23:2

3Ammonytis and Moabitis, yhe aftir the tenthe generacioun, schulen not entre into the `chirche of the Lord with outen ende;Select Deuteronomy 23:3

4for thei nolden come to you with breed and watir in the weie, whanne ye yeden out of Egipt; and for thei hireden ayens thee Balaam, the sone of Beor, fro Mesopotanye of Sirye, that he schulde curse thee;Select Deuteronomy 23:4

5and thi Lord God nolde here Balaam, and God turnede `the cursyng of Balaam in to thi blessyng, for he louyde thee.Select Deuteronomy 23:5

6Thou schalt not make pees with hem, nethir thou schalt seke goodis to hem, in alle the daies of thi lijf in to with outen ende.Select Deuteronomy 23:6

7Thou schalt not `haue abhomynacioun of a man of Ydumye, for he is thi brothir, nethir of a man of Egipt, for thou were a comelyng in the lond of hym.Select Deuteronomy 23:7

8Thei that ben borun of hem, schulen entre in the thridde generacioun in to the `chirche of the Lord.Select Deuteronomy 23:8

9Whanne thou schalt go out `in to batel ayens thin enemyes, thou schalt kepe thee fro al yuel thing.Select Deuteronomy 23:9

10If a man is among you, which is defoulid in `sleep of nyyt, he schal go out of `the castels ;Select Deuteronomy 23:10

11and he schal not turne ayen bifore that he be waischun in watir at euentid, and aftir the goyng doun of the sunne he schal go ayen in to the castels.Select Deuteronomy 23:11

12Thou schalt haue a place without the castels, to which thou schalt go out to nedeful thingis of kynde;Select Deuteronomy 23:12

13and thou schalt bere a litil stake in the girdil; and whanne thou hast sete, thou schalt digge `bi cumpas, and `thou schalt hile with erthe thingis `defied out,Select Deuteronomy 23:13

14where thou art releuyd. For thi Lord God goeth in the myddis of castels, that he diliuere thee, and bitake thin enemyes to thee, that thi castels be hooli, and no thing of filthe appere in tho, lest he forsake thee.Select Deuteronomy 23:14

15Thou schalt not bitake a seruaunt to his lord , which seruaunt fleeth to thee;Select Deuteronomy 23:15

16he schal dwelle with thee in the place that plesith hym, and he schal reste in oon of thi citees; and make thou not hym sori.Select Deuteronomy 23:16

17Noon hoore schal be of the douytris of Israel, nether a letchour of the sones of Israel.Select Deuteronomy 23:17

18Thou schalt not offre the hire of `an hoore hows, nether the prijs of a dogge, in the hows of thi Lord God, what euer thing it is that thou hast avowid; for euer eithir is abhomynacioun bifor thi Lord God.Select Deuteronomy 23:18

19Thou schalt not leene to thi brothir to vsure money, neither fruytis,Select Deuteronomy 23:19

20nethir ony othir thing, but to an alien . Forsothe thou schalt leene to thi brothir without vsure that that he nedith, that thi Lord God blesse thee in al thi werk, in the lond to which thou schalt entre to welde.Select Deuteronomy 23:20

21Whanne thou makist auow to thi Lord God, thou schalt not tarie to yelde, for thi Lord God schal `requyre, ether axe, that; and if thou tariest, it schal be arretid to thee in to synne.Select Deuteronomy 23:21

22If thou `nylt bihete, thou schalt be with out synne.Select Deuteronomy 23:22

23Forsothe thou schalt kepe, and `do that that yede out onys of thi lippis, as thou bihiytist to thi Lord God, and hast spoke with thin owne wille and thi mouth.Select Deuteronomy 23:23

24If thou entrist in to the vynere of thi neiybore, ete thou grapis, as myche as plesith thee; but bere thou not out with thee.Select Deuteronomy 23:24

25If thou entrist in to `the corn of thi freend, thou schalt breke `eeris of corn, and frote togidere with `the hond; but thou schalt not repe with a sikil.Select Deuteronomy 23:25