27Deuteronomy 27

1Forsothe Moyses comaundide, and the eldre men, to the puple of Israel, and seiden, Kepe ye ech `comaundement which Y comaunde to you to dai.Select Deuteronomy 27:1

2And whanne ye han passid Jordan, in to the lond which thi Lord God schal yyue to thee, thou schalt reyse grete stoonus, and thou schalt make tho pleyn with chalk,Select Deuteronomy 27:2

3that thou mow write in tho alle the wordis of this lawe, whanne Jordan is passid, that thou entre in to the lond which thi Lord God schal yyue to thee, the lond flowynge with mylke and hony, as he swoor to thi fadris.Select Deuteronomy 27:3

4Therfor whanne thou hast passid Jordan, reise thou the stonus whiche Y comaunde to dai to thee, in the hil of Hebal; and thou schalt make tho pleyn with chalk.Select Deuteronomy 27:4

5And there thou schalt bilde an auter to thi Lord God, of stoonys whiche yrun touchide not,Select Deuteronomy 27:5

6and of stonys vnformed and vnpolischid; and thou schalt offre theron brent sacrifices to thi Lord God; and thou schalt offre pesible sacrifices,Select Deuteronomy 27:6

7and thou schalt ete there, and thou schalt make feeste bifor thi Lord God.Select Deuteronomy 27:7

8And thou schalt write pleynli and clereli on the stoonys alle the wordis of this lawe.Select Deuteronomy 27:8

9And Moises and the preestis of the kynde of Leuy seiden to al Israel, Israel, perseyue thou, and here; to day thou art maad the puple of thi Lord God;Select Deuteronomy 27:9

10thou schalt here his vois, and thou schalt do `the comaundementis, and riytfulnessis, whiche Y comaunde to thee to dai.Select Deuteronomy 27:10

11And Moises comaundide to the puple in that day,Select Deuteronomy 27:11

12and seide, These men schulen stonde on the hil of Garizym to blesse the Lord, whanne Jordan `is passid; Symeon, Leuy, Judas, Isachar, Joseph, and Benjamyn.Select Deuteronomy 27:12

13And euene ayens these men schulen stonde in the hil of Hebal to curse, Ruben, Gad, and Aser, Zabulon, Dan, and Neptalym.Select Deuteronomy 27:13

14And the dekenes schulen pronounce, and schulen seie `with hiy vois to alle the men of Israel,Select Deuteronomy 27:14

15Cursid is the man that makith a grauun ymage and yotun togidere, abhomynacioun of the Lord, the werk of `hondis of crafti men, and schal sette it in priuey place; and al the puple schal answere, and schal seie, Amen!Select Deuteronomy 27:15

16He is cursid that onoureth not his fadir and modir ; and al the puple schal seie, Amen!Select Deuteronomy 27:16

17Cursid is he that `berith ouer the termes of his neiybore ; and al the puple schal seie, Amen!Select Deuteronomy 27:17

18Cursid is he that makith a blynde man to erre in the weie; and al the puple schal seie, Amen!Select Deuteronomy 27:18

19He is cursid that peruertith the doom of a comelyng, of a fadirles, ethir modirles child, and of a widewe; and al the puple schal seie, Amen!Select Deuteronomy 27:19

20Cursid is he that slepith with `the wijf of his fadir, and schewith the hiling of his bed; and al the puple schal seie, Amen!Select Deuteronomy 27:20

21Cursid is he that slepith with ony beeste; and al the puple schal seie, Amen!Select Deuteronomy 27:21

22Cursid is he that slepith with his sistir, the douytir of his fadir, ethir of his modir; and al the puple schal seie, Amen!Select Deuteronomy 27:22

23Cursid is he that slepith with his wyues modir; and al the puple schal seye, Amen!Select Deuteronomy 27:23

24Cursid is he that sleeth pryueli his neiybore; and al the puple schal seie, Amen!Select Deuteronomy 27:24

25Cursid is he that slepith with `the wijf of his neiybore; and al the puple schal seie, Amen!Select Deuteronomy 27:25

26Cursid is he that takith yiftis, that he smyte the lijf of innocent blood; and al the puple schal seie, Amen! Cursid is he that dwellith not in the wordis of this lawe, nethir `parfourmeth tho in werk; and al the puple schal seie, Amen!Select Deuteronomy 27:26