3Ephesians 3

1For the grace of this thing I Poul, the boundun of Crist Jhesu, for you hethene men,Select Ephesians 3:1

2if netheles ye han herd the dispensacioun of Goddis grace, that is youun to me in you.Select Ephesians 3:2

3For bi reuelacioun the sacrament is maad knowun to me, as Y aboue wroot in schort thing,Select Ephesians 3:3

4as ye moun rede, and vndurstonde my prudence in the mysterie of Crist.Select Ephesians 3:4

5Which was not knowun to othere generaciouns to the sones of men, as it is now schewid to his hooli apostlis and prophetis in the spirit,Select Ephesians 3:5

6that hethene men ben euen eiris, and of oo bodi, and parteneris togidere of his biheest in Crist Jhesu bi the euangelie;Select Ephesians 3:6

7whos mynystre Y am maad, bi the yifte of Goddis grace, which is youun to me bi the worchyng of his vertu.Select Ephesians 3:7

8To me, leeste of alle seyntis, this grace is youun to preche among hethene men the vnserchable richessis of Crist, and to liytne alle men,Select Ephesians 3:8

9which is the dispensacioun of sacrament hid fro worldis in God, that made alle thingis of nouyt;Select Ephesians 3:9

10that the myche fold wisdom of God be knowun to princis and potestatis in heuenli thingis bi the chirche,Select Ephesians 3:10

11bi the bifore ordinaunce of worldis, which he made in Crist Jhesu oure Lord.Select Ephesians 3:11

12In whom we han trist and nyy comyng, in tristenyng bi the feith of hym.Select Ephesians 3:12

13For which thing Y axe, that ye faile not in my tribulaciouns for you, which is youre glorie.Select Ephesians 3:13

14For grace of this thing Y bowe my knees to the fadir of oure Lord Jhesu Crist,Select Ephesians 3:14

15of whom ech fadirhod in heuenes and in erthe is named,Select Ephesians 3:15

16that he yyue to you, aftir the richessis of his glorie, vertu to be strengthid bi his spirit in the ynnere man,Select Ephesians 3:16

17that Crist dwelle bi feith in youre hertis; that ye rootid and groundid in charite,Select Ephesians 3:17

18moun comprehende with alle seyntis, which is the breede, and the lengthe, and the hiynesse, and the depnesse;Select Ephesians 3:18

19also to wite the charite of Crist more excellent than science, that ye be fillid in al the plentee of God.Select Ephesians 3:19

20And to hym that is myyti to do alle thingis more plenteuousli than we axen or vndurstondun, bi the vertu that worchith in vs,Select Ephesians 3:20

21to hym be glorie in the chirche, and in Crist Jhesu, in to alle the generaciouns of the world of worldis. Amen.Select Ephesians 3:21