6Ephesians 6

1Sones, obeische ye to youre fadir and modir, in the Lord; for this thing is riytful.Select Ephesians 6:1

2Onoure thou thi fadir and thi modir, that is the firste maundement in biheest;Select Ephesians 6:2

3that it be wel to thee, and that thou be long lyuynge on the erthe.Select Ephesians 6:3

4And, fadris, nyle ye terre youre sones to wraththe; but nurische ye hem in the teching and chastising of the Lord.Select Ephesians 6:4

5Seruauntis, obeische ye to fleischli lordis with drede and trembling, in simplenesse of youre herte, as to Crist;Select Ephesians 6:5

6not seruynge at the iye, as plesinge to men, but as seruauntis of Crist; doynge the wille of God bi discrecioun,Select Ephesians 6:6

7with good wille seruynge as to the Lord, and not as to men;Select Ephesians 6:7

8witinge that ech man, what euere good thing he schal do, he schal resseyue this of the Lord, whether seruaunt, whether fre man.Select Ephesians 6:8

9And, ye lordis, do the same thingis to hem, foryyuynge manaasis; witinge that bothe her Lord and youre is in heuenes, and the taking of persones is not anentis God.Select Ephesians 6:9

10Her aftirward, britheren, be ye coumfortid in the Lord, and in the miyt of his vertu.Select Ephesians 6:10

11Clothe you with the armere of God, that ye moun stonde ayens aspiynges of the deuel.Select Ephesians 6:11

12For whi stryuyng is not to vs ayens fleisch and blood, but ayens princis and potestatis, ayens gouernours of the world of these derknessis, ayens spiritual thingis of wickidnesse, in heuenli thingis.Select Ephesians 6:12

13Therfor take ye the armere of God, that ye moun ayenstonde in the yuel dai; and in alle thingis stonde perfit.Select Ephesians 6:13

14Therfor stonde ye, and be gird aboute youre leendis in sothefastnesse, and clothid with the haburioun of riytwisnesse,Select Ephesians 6:14

15and youre feet schood in making redi of the gospel of pees.Select Ephesians 6:15

16In alle thingis take ye the scheld of feith, in which ye moun quenche alle the firy dartis of `the worste.Select Ephesians 6:16

17And take ye the helm of helthe, and the swerd of the Goost, that is, the word of God.Select Ephesians 6:17

18Bi al preier and bisechyng preie ye al tyme in spirit, and in hym wakinge in al bisynesse, and bisechyng for alle hooli men, and for me;Select Ephesians 6:18

19that word be youun to me in openyng of my mouth, with trist to make knowun the mysterie of the gospel,Select Ephesians 6:19

20for which Y am set in message in a chayne; so that in it Y be hardi to speke, as it bihoueth me.Select Ephesians 6:20

21And ye wite, what thingis ben aboute me, what Y do, Titicus, my moost dere brother, and trewe mynystre in the Lord, schal make alle thingis knowun to you;Select Ephesians 6:21

22whom Y sente to you for this same thing, that ye knowe what thingis ben aboute vs, and that he coumforte youre hertis.Select Ephesians 6:22

23Pees to britheren, and charite, with feith of God oure fadir, and of the Lord Jhesu Crist.Select Ephesians 6:23

24Grace with alle men that louen oure Lord Jhesu Crist in vncorrupcioun. Amen, `that is, So be it.Select Ephesians 6:24