21Exodus 21

1These ben the domes, whiche thou schalt sette forth to hem.Select Exodus 21:1

2If thou biest an Ebrew seruaunt, he schal serue thee sixe yeer; in the seuenthe yeer he schal go out fre,Select Exodus 21:2

3with out prijs; with what maner clooth he entride, with siche clooth go he out; if he entride hauynge a wijf, and the wijf schal go out to gidere.Select Exodus 21:3

4But if the lord of the servaunt yaf a wijf to hym, and sche childide sones and douytris, the womman and hir children schulen be hir lordis; sotheli the seruaunt schal go out with his owne clooth.Select Exodus 21:4

5That if the seruaunt seith, Y loue my lord, and wijf, and children, Y schal not go out fre;Select Exodus 21:5

6the lord brynge hym to goddis, that is, iugis; and he schal be set to the dore, and postis; and the lord schal perse his eere with a nal, and he schal be seruaunt to hym til in to the world.Select Exodus 21:6

7If ony man sillith his douyter in to seruauntesse, sche schal not go out as handmaidis weren wont to go out;Select Exodus 21:7

8if sche displesith in the iyen of hir lord, to whom sche was bitakun, he schal delyuere hir; sotheli he schal not haue power to sille hir to an alien puple, if he forsakith hir.Select Exodus 21:8

9Forsothe if he weddith hir to his sonne, he schal do to hir `bi the custom of douytris;Select Exodus 21:9

10that if he takith another womman to hym, he schal puruey to the damysele weddingis, and clothis, and he schal not denye the prijs of chastite.Select Exodus 21:10

11If he doith not these thre, sche schal go out freli without money.Select Exodus 21:11

12He that smytith a man, and wole sle, die bi deeth;Select Exodus 21:12

13forsothe if a man settide not aspies, but God `bitook hym in to hise hondis, Y schal ordeyne a place to thee, whidur he owith to fle.Select Exodus 21:13

14If ony man sleeth his neiybore bi biforecastyng, and bi aspies, drawe thou hym awey fro myn auter, that he die.Select Exodus 21:14

15He that smytith his fadir, ether modir, die by deeth.Select Exodus 21:15

16He that cursith his fadir, ether modir, die bi deeth.Select Exodus 21:16

17He that stelith a man, and sillith hym, if he is conuyt of the gilt, die bi deeth.Select Exodus 21:17

18If men chiden, and the tother smyte his neiybore with a stoon, ether with the fist, and he is not deed, but liggith in the bed,Select Exodus 21:18

19if he risith, and goith forth on his staf, he that smoot schal be innocent; so netheles that he restore hise trauelis, and costis in lechis.Select Exodus 21:19

20He that smytith his seruaunt, ether handmayde, with a yerde, and thei ben deed in hise hondis, schal be gilti of cryme.Select Exodus 21:20

21Sotheli if the seruaunt ouerlyueth o dai, ether tweyne, he schal not be suget to peyne, `that is of deeth, for the seruaunt is his catel.Select Exodus 21:21

22If men chiden, and a man smytith a womman with childe, and sotheli makith the child deed borun, but the womman ouerlyueth, he schal be suget to the harm, as myche as the `hosebonde of the womman axith, and the iugis demen.Select Exodus 21:22

23But if the deeth of hir sueth,Select Exodus 21:23

24he schal yelde lijf for lijf, iye for iye, tooth for tooth, hond for hond, foot for foot,Select Exodus 21:24

25brennyng for brennyng, wounde `with schedyng of blood for wounde `with schedyng of blood, `a wan wounde for a wan wounde.Select Exodus 21:25

26If a man smytith the iye of his seruaunt, ethir of handmaide, and makith hem oon iyed, he schal delyuere hem fre for `the iye which he puttide out.Select Exodus 21:26

27Also if he smytith out a tooth fro his seruaunt, ethir handmaide, in lijk maner he schal delyuere hem fre.Select Exodus 21:27

28If an oxe smytith with horn a man, ether a womman, and thei ben deed, the oxe schal be oppressid with stoonus, and hise fleischis schulen not be etun, and the lord of the oxe schal be innocent.Select Exodus 21:28

29That if the oxe was `a pultere with horn fro yisterdai and the thridde dai ago, and men warneden `the lord of hym, nether the lord closide hym, and he sleeth a man, ethir womman, bothe the oxe schal be oppressid with stoonus, and thei schulen sle `the lord of hym;Select Exodus 21:29

30that if prijs is put to the lord, he schal yyue for his lijf what euer he is axide.Select Exodus 21:30

31And if he smytith with horn a son, and a douytir, he schal be suget to lijk sentence.Select Exodus 21:31

32If the oxe asailith a seruaunt, and handmaide, the lord of the oxe schal yyue thretti siclis of siluer to `his lord; forsothe the oxe schal be oppressid with stoonus.Select Exodus 21:32

33If ony man openeth a cisterne, and diggith, and hilith it not, and an oxe ether asse fallith in to it,Select Exodus 21:33

34the lord of the cisterne schal yelde the prijs of the werk beestis; forsothe that that is deed schal be his.Select Exodus 21:34

35If another mannus oxe woundith the oxe of another man, and he is deed, thei schulen sille the quyke oxe, and thei schulen departe the prijs; forsothe thei schulen departe bitwixe hem the karkeis of the deed oxe.Select Exodus 21:35

36Forsothe if his lord wiste, that the oxe was a puttere fro yistirdai and the thridde dai ago, and kepte not him, he schal yelde oxe for oxe, and he schal take the hool carkeys.Select Exodus 21:36