25Exodus 25

1And the Lord spak to Moises, and seide, Speke thou to the sones of Israel,Select Exodus 25:1

2that thei take to me the firste fruytis; of ech man that offrith wilfuli, ye schulen take tho.Select Exodus 25:2

3Forsothe these thingis it ben, whiche ye schulen take, gold, and siluer, and bras, iacynt,Select Exodus 25:3

4and purpur, and reed silk twies died, and bijs, heeris of geet, and `skynnes of wetheris maad reed,Select Exodus 25:4

5and skynnes of iacynt,Select Exodus 25:5

6and trees of Sechym, and oile to liytis to be ordeyned, swete smellynge spiceries in to oynement, and encensis of good odour,Select Exodus 25:6

7onochym stoonys, and gemmes to ourne ephod, and the racional .Select Exodus 25:7

8And thei schulen make a seyntuarie to me, and Y schal dwelle in the myddis of hem, bi al the licnesse of the tabernacle,Select Exodus 25:8

9which Y schal schewe to thee, and of alle the vessels of ournyng therof.Select Exodus 25:9

10And thus ye schulen make it; ioyne ye to gidere an arke of the trees of Sechym, whos lengthe haue twey cubitis and an half, the broodnesse haue a cubit and half, the hiynesse haue `in lijk maner a cubit and half.Select Exodus 25:10

11And thou schalt ouergilde it with clenneste gold with ynne and with out forth; and thou schalt make a goldun crowne aboue `bi cumpas,Select Exodus 25:11

12and foure goldun cerclis, whiche thou schalt sette bi foure corneris of the arke; twei ceerclis be in o syde, and twei cerclis in the tother side.Select Exodus 25:12

13Also thou schalt make barris of the trees of Sechym, and thou schalt hile tho with gold,Select Exodus 25:13

14and thou schalt brynge yn bi the cerclis that ben in the sidis of the arke,Select Exodus 25:14

15that it be borun in tho, whiche schulen euere be in the ceerclis, nether schulen ony tyme be drawun out of thoo.Select Exodus 25:15

16And thou schalt putte in to the arke the witnessing , which Y schal yyue to thee.Select Exodus 25:16

17And thou schalt make a propiciatorie of clenneste gold; `that is a table hilinge the arke; the lengthe therof schal holde twei cubitis and an half, the broodnesse schal holde a cubit and half.Select Exodus 25:17

18Also thou schalt make on euer eithir side of `Goddis answeryng place twei cherubyns of gold, and betun out with hamer;Select Exodus 25:18

19o cherub be in o syde of `Goddis answeryng place, and the tother in the tother side;Select Exodus 25:19

20hele thei euer either side of the propiciatorie, and holde thei forth wyngis, and hile thei `Goddis answeryng place; and biholde thei hem silf to gidere, while the faces ben turned in to the propiciatorie, with which the arke of the Lord schal be hilid,Select Exodus 25:20

21in which arke thou schalt putte the `witnessyng, which Y schal yyue to thee.Select Exodus 25:21

22Fro thennus Y schal comaunde, and schal speke to thee aboue the propiciatorie, that is, fro the myddis of twei cherubyns, that schulen be on the arke of witnessyng, alle thingis whiche Y schal comaunde `bi thee to the sones of Israel.Select Exodus 25:22

23Also thou schalt make a boord of the trees of Sechym, hauinge twei cubitis of lengthe, and a cubit in broodnesse, and a cubit and half in hiyenesse.Select Exodus 25:23

24And thou schalt ouergilde the bord with purest gold, and thou schalt make to it a goldun brynke `bi cumpas;Select Exodus 25:24

25and `thou schalt make to that brynke a coroun rasid bitwixe foure fyngris hiy, and `thou schalt make on that another lytil goldun coroun.Select Exodus 25:25

26And thou schalt make redi foure goldun cerclis, and thou schalt put thoo in foure corners of the same boord, bi alle feet.Select Exodus 25:26

27Vndur the coroun schulen be goldun cerclis, that the barris be put thorou tho, and that the boord may be borun.Select Exodus 25:27

28Thou schalt make tho barris of the trees of Sechym, and thou schalt cumpas with gold to bere the boord.Select Exodus 25:28

29And thou schalt make redi vessels of vynegre, and viols, cenceris, and cuppis of pureste gold, in whiche fletynge sacrifices schulen be offrid.Select Exodus 25:29

30And thou schalt sette on the boord looues of proposicioun, in my siyt euere.Select Exodus 25:30

31And thou schalt make a candilstike `betun forth with hamer, of clenneste gold, and thou schalt make the schaft therof, and yerdis, cuppis, and litle rundelis, and lilies comynge forth therof.Select Exodus 25:31

32Sixe yerdis schulen go out of the sidis, thre of o side, and thre of the tother.Select Exodus 25:32

33Thre cuppis as in the maner of a note bi ech yerde, and litle rundelis to gidere, and a lilie, and in lijk maner thre cuppis at the licnesse of a note in the tother, and litle rundelis togidere, and a lilie; this schal be the werk of sixe yerdis, that schulen be brouyt forth of the schaft.Select Exodus 25:33

34Forsothe in thilke candilstik e schulen be foure cuppis in the maner of a note, and litle rundels and lilies by ech cuppe;Select Exodus 25:34

35and litle rundelis schulen be vndir twey yerdis bi thre places, whiche yerdis to gidere ben maad sixe, comynge forth of o schaft; and therfor the litle rundelis and yerdisSelect Exodus 25:35

36therof schulen be alle betun out with hamer, of clenneste gold.Select Exodus 25:36

37And thou schalt make seuene lanternes, and thou schalt sette tho on the candilstike, that tho schyne euene ayens.Select Exodus 25:37

38Also tongis to `do out the snottis, and where tho thingis, that ben snottid out, ben quenchid, be maad of clenneste gold.Select Exodus 25:38

39Al the weiyt of the candilstike with alle hise vesselis schal haue a talent of clennest gold.Select Exodus 25:39

40Biholde thou, and make bi the saumpler, which ys schewide to thee in the hil.Select Exodus 25:40