29Exodus 29

1But also thou schalt do this, that thei be sacrid to me in preesthod; take thou a calf of the droue, and twei rammes with out wem,Select Exodus 29:1

2and therf looues, and a cake with out sour dow, whiche be spreynt to gidere with oile, and therf paast sodun in watir, `bawmed, ether fried, with oile; thou schalt make alle thingis of whete flour,Select Exodus 29:2

3and thou schalt offre tho put in a panyere. Forsothe thou schal presente the calfe,Select Exodus 29:3

4and twey rammes, and Aaron and his sones, at the dore of tabernacle of witnessyng; and whanne thou hast waische the fadir and the sones in watir,Select Exodus 29:4

5thou schalt clothe Aaron with hise clothis, that is, the lynnen cloth, `and coote, and the cloth on the schuldris, `and the racional, which thou schalt bynde with a girdil.Select Exodus 29:5

6And thou schalt sette the mytre on his heed, and the hooli plate on the mytre,Select Exodus 29:6

7and thou schalt schede the oile of anoyntyng on his heed; and bi this custom he schal be sacrid.Select Exodus 29:7

8Also thou schalt presente hise sones, and thou schalt clothe with lynnun cootis,Select Exodus 29:8

9and thou schalt girde Aaron and hise sones with a girdil; and thou schalt sette mytris on hem; and thei schulen be my preestis bi euerlastynge religioun. After that thou hast halewid `the hondis of hem,Select Exodus 29:9

10also thou schalt presente the calf bifore the tabernacle of witnessyng; and Aaron and hise sones schulen sette hondis `on the heed therof;Select Exodus 29:10

11and thou schalt sle it in the siyt of the Lord, bisidis the dore of the tabernacle of witnessyng.Select Exodus 29:11

12And thou schalt take the blood of the calf, and schalt putte with thi fyngur on the corneris of the auter. Forsothe thou schalt schede the `tothir blood bisidis the foundement therof.Select Exodus 29:12

13And thou schalt take al the fatnesse that hilith the entrailis, and the calle of the mawe, and twey kidneris, and the fatnesse which is on hem; and thou schalt offere encense on the auter.Select Exodus 29:13

14Forsothe thou schalt brenne with out the castels the `fleischis of the calf, and the skyn, and the dung, for it is for synne.Select Exodus 29:14

15Also thou schalt take a ram, on whos heed Aaron and hise sones schulen sette hondis;Select Exodus 29:15

16and whanne thou hast slayn that ram, thou schalt take of `his blood, and schalt schede aboute the auter.Select Exodus 29:16

17Forsothe thou schalt kitte thilk ram in to smale gobetis, and thou schalt putte hise entrailis waischun, and feet on the fleischis koruun, and on his heed;Select Exodus 29:17

18and thou schalt offre al the ram in to encence on the auter; it is an offryng to the Lord, the swettest odour of the slayn sacrifice of the Lord.Select Exodus 29:18

19And thou schalt take the tothir ram, on whos heed Aaron and hise sones schulen sette hondis;Select Exodus 29:19

20and whanne thou hast offrid that ram, thou schalt take of his blood, and schalt `putte on the last part of the riyt eere of Aaron, and of hise sones, and on the thombis of her hond; and of her riyt foot; and thou schalt schede the blood on the auter, `bi cumpas.Select Exodus 29:20

21And whanne thou hast take of the blood, which is on the auter, and of oile of anoynting, thou schalt sprenge Aaron and hise clothis, the sones and her clothis. And whanne thei and the clothis ben sacrid,Select Exodus 29:21

22thou schalt take the ynnere fatnesse of the ram, and the tayl, and the fatnesse that hilith the entrailis, and the calle of the mawe, and twey kideneris, and the fatnesse that is on tho; and thou schalt take the riyt schuldur, for it is the ram of consecracioun;Select Exodus 29:22

23and thou schalt take a tendur cake of o loof, spreynd with oile, paast sodun in watir, and after fried in oile, of the panyer of therf looues, which is set in `the siyt of the Lord.Select Exodus 29:23

24And thou schalt putte alle `thingis on the hondis of Aaron and of hise sones, and schalt halewe hem, and reise bifor the Lord.Select Exodus 29:24

25And thou schalt take alle thingis fro `the hondis of hem, and schalt brenne on the autir, in to brent sacrifice, `swettist odour in the siyt of the Lord, for it is the offryng of the Lord.Select Exodus 29:25

26Also thou schalt take the brest of the ram, bi which Aaron was halewid, and thou schalt halewe it reisid bifor the Lord; and it schal turne in to thi part.Select Exodus 29:26

27And thou schalt halewe also the brest sacrid, and the schuldur which thou departidist fro the ram,Select Exodus 29:27

28bi which Aaron was halewid, and hise sones; and tho schulen turne in to the part of Aaron, and of hise sones, bi euerlastinge riyt, of the sones of Israel; for tho ben the firste thingis, and the bigynnyngis of the pesible sacrifices of hem, whiche thei offren to the Lord.Select Exodus 29:28

29Forsothe the sones of Aaron schulen haue aftir hym the hooli cloth, which Aaron schal vse, that thei be anoyntid ther ynne, and her hondis be sacrid.Select Exodus 29:29

30`Thilke, that of hise sones schal be maad bischop for hym, schal vse that cloth seuene daies, and which sone schal entre in to the tabernacle of witnessyng, that he mynystre in the seyntuarie.Select Exodus 29:30

31Sotheli thou schalt take the ram of consecracioun, and thou schalt sethe hise fleischis in the hooli place,Select Exodus 29:31

32whiche fleischis Aaron and his sones schulen ete, and thei schulen ete the looues, that ben in the panyere, in the porche of the tabernacle of witnessyng,Select Exodus 29:32

33that it be a pleasaunt sacrifice, and that the hondis of the offreris be halewid. An alien schal not ete of tho, for tho ben hooli.Select Exodus 29:33

34That if ony thing leeueth of the fleischis halewid, ether of the looues, til the morewtid, thou schalt brenne the relifs by fier, thou schulen not be etun, for tho ben halewid.Select Exodus 29:34

35Thou schalt do on Aaron, and hise sones, alle thingis whiche I comaunde to thee. Seuene daies thou schalt sacre `the hondis of hem,Select Exodus 29:35

36and thou schalt offre a calf for synne bi ech day to clense; and thou schalt clense the auter, whanne thou hast offrid the sacrifice of clensyng, and thou schalt anoynte the auter in to halewyng.Select Exodus 29:36

37Seuene daies thou shalt clense and halewe the auter, and it schal be the hooli of hooli thingis; ech man that schal touche it schal be halewid.Select Exodus 29:37

38This it is, that thou schalt do in the auter, twei lambren of o yeer contynueli bi ech dai,Select Exodus 29:38

39o lomb in the morewtid, and the tothir in the euentid;Select Exodus 29:39

40`thou schalt do in o lomb the tenthe part of flour spreynt with oyle, powned, that schal haue a mesure, the fourthe part of hyn, and wyn of the same mesure, to make sacrifice.Select Exodus 29:40

41Sotheli thou schalt offre the tother lomb at euentid, bi the custom of the offryng at the morewtid, and bi tho thingis, whiche we seiden, in to the odour of swetnesse;Select Exodus 29:41

42it is a sacrifice to the Lord bi euerlastynge offryng in to youre generaciouns, at the dore of the tabernacle of witnessyng bifor the Lord, where Y schal ordeyne that Y speke to thee;Select Exodus 29:42

44and there Y schal comaunde to the sones of Israel; and the auter schal be halewid in my glorie. Y schal halewe also the tabernacle of witnessyng with the auter, and Aaron with hise sones, that thei be set in presthod to me.Select Exodus 29:44

45And Y schal dwelle in the myddis of the sones of Israel, and Y schal be God to hem;Select Exodus 29:45

46and thei schulen wite, that Y am her Lord God, which ledde hem out of the lond of Egipt, that Y schulde dwelle among hem; for Y am her Lord God.Select Exodus 29:46