40Exodus 40

1And the Lord spak to Moises, `and seide,Select Exodus 40:1

2In the firste monethe, in the firste dai of the monethe, thou schalt reise the tabernacle of witnessyng.Select Exodus 40:2

3And thou schalt sette the arke therynne, and thou schalt leeue a veil bifore it.Select Exodus 40:3

4And whanne the bord is borun yn, thou schalt sette ther onne tho thingis, that ben comaundid iustli. The candilstike schal stonde with hise lanternes,Select Exodus 40:4

5and the goldun auter, where ynne encense is brent bifor the arke of witnessyng. Thou schalt sette a tente in the entryng of the tabernacle;Select Exodus 40:5

6and bifor it the auter of brent sacrifice,Select Exodus 40:6

7the `waischyng vessel bitwixe the auter and the tabernacle, which `waischyng vessel thou schalt fille with water.Select Exodus 40:7

8And thou schalt cumpas the greet street, and the entryng ther of with tentis.Select Exodus 40:8

9And whanne thou hast take oyle of anoyntyng, thou schalt anoynte the tabernacle, with hise vessels, that tho be halewid;Select Exodus 40:9

10the auter of brent sacrifice, and alle vessels ther of; the `waischyng vessel,Select Exodus 40:10

11with his foundement. Thou schalt anoynte alle thingis with the oile of anoyntyng, that tho be hooli of hooli thingis.Select Exodus 40:11

12And thou schalt present Aaron and hise sones to the dore of the tabernacle of witnessyng;Select Exodus 40:12

13and, whanne thei ben `waischid in water, thou schalt clothe hem with hooli clothis, that thei mynystre to me, and that the anoyntyng of hem profite in to euerlastynge preesthod.Select Exodus 40:13

14And Moises dide alle thingis whiche the Lord comaundide.Select Exodus 40:14

15Therfor in the firste monethe of the secunde yeer, in the firste dai of the monethe, the tabernacle was set.Select Exodus 40:15

16And Moises reiside it, and settide the tablis, and foundementis, and barris, and he ordeynede pilers;Select Exodus 40:16

17and `spredde abrood the roof on the tabernacle, and puttide an hilyng aboue, as the Lord comaundide.Select Exodus 40:17

18He puttide also the witnessyng in the arke, and he settide barris with ynne, and Goddis answeryng place aboue.Select Exodus 40:18

19And whanne he hadde brouyt the arke in to the tabernacle, he hangide a veil bifor it, that he schulde fille the comaundement of the Lord.Select Exodus 40:19

20He settide also the boord in the tabernacle of witnessyng, at the north coost, without the veil,Select Exodus 40:20

21and he ordeynede the looues of settyng forth bifore, as the Lord comaundide to Moises.Select Exodus 40:21

22He settide also the candilstike in the tabernacle of witnessyng, euene ayens the boord,Select Exodus 40:22

23in the south side, and settide lanternes bi ordre, bi the comaundement of the Lord.Select Exodus 40:23

24He puttide also the goldun auter vndur the roof of witnessyng,Select Exodus 40:24

25ayens the veil, and he brente theronne encense of swete smellynge spiceries, as the Lord comaundide to Moises.Select Exodus 40:25

26He settide also a tente in the entryng of the tabernacle,Select Exodus 40:26

27and the auter of brent sacrifice in the porche of the witnessyng, and he offride therynne brent sacrifice, and sacrifices, as the Lord comaundide.Select Exodus 40:27

28Also he ordeynede the `waischyng vessel, bitwixe the tabernacle of witnessyng and the auter, and fillide it with watir.Select Exodus 40:28

29And Moises, and Aaron, and his sones, waischiden her hondis and feet,Select Exodus 40:29

30whanne thei entriden into the roof of boond of pees, and neiyeden to the auter, as the Lord comaundide to Moises.Select Exodus 40:30

31He reiside also the greet street, bi the cumpas of the tabernacle and of the auter, and settyde a tente in the entryng therof. Aftir that alle thingis weren perfitli maad,Select Exodus 40:31

32a cloude hilide the tabernacle of witnessyng, and the glorie of the Lord fillide it;Select Exodus 40:32

33nether Moyses myyte entre in to the tabernacle of the boond of pees, while the cloude hilide alle thingis, and the maieste of the Lord schynede, for the cloude hilide alle thingis.Select Exodus 40:33

34If ony tyme the cloude lefte the tabernacle, the sones of Israel yeden forth bi her cumpanyes;Select Exodus 40:34

35if the cloude hangide aboue, thei dwelliden in the same place;Select Exodus 40:35

36for the cloude of the Lord restide on the tabernacle bi dai, and fier in the nyyt, in the siyt of the puplis of Israel, bi alle her dwellyngis.Select Exodus 40:36