15Ezekiel 15

1And the word of the Lord was maad to me,Select Ezekiel 15:1

2and he seide, Sone of man, what schal be don to the tre of a vyne, of alle the trees of woodis, that ben among the trees of woodis?Select Ezekiel 15:2

3Whether tymbre schal be takun therof, that werk be maad? ether shal a stake be maad therof, that ony vessel hange ther onne?Select Ezekiel 15:3

4Lo! it is youun in to mete; fier wastide euer eithir part therof, and the myddis therof is dryuun in to deed sparcle; whether it schal be profitable to werk?Select Ezekiel 15:4

5Yhe, whanne it was hool, it was not couenable to werk; hou myche more whanne fier hath deuourid, and hath brent it, no thing of werk schal be maad therof?Select Ezekiel 15:5

6Therfor the Lord God seith thes thingis, As the tre of a vyne is among the trees of woodis, which Y yaf to fier to deuoure, so Y yaf the dwelleris of Jerusalem,Select Ezekiel 15:6

7and Y schal sette my face ayens hem. Thei schulen go out of the fier, and fier schal waaste hem; and ye schulen wite, that Y am the Lord, whanne Y schal sette my face ayens hem,Select Ezekiel 15:7

8and schal yyue the lond with out weie and desolat, for thei weren trespassours, seith the Lord God.Select Ezekiel 15:8