6Galatians 6

1Britheren, if a man be occupied in ony gilt, ye that ben spiritual, enforme ye such oon in spirit of softnesse, biholdinge thi silf, lest that thou be temptid.Select Galatians 6:1

2Ech bere othere chargis, and so ye schulen fulfille the lawe of Crist.Select Galatians 6:2

3For who that trowith that he be ouyt, whanne he is nouyt, he bigilith him silf.Select Galatians 6:3

4But ech man preue his owne werk, and so he schal haue glorie in him silf, and not in an othere.Select Galatians 6:4

5For ech man schal bere his owne charge.Select Galatians 6:5

6He that is tauyt bi word, comune he with him that techith hym, in `alle goodis.Select Galatians 6:6

7Nyle ye erre, God is not scorned;Select Galatians 6:7

8for tho thingis that a man sowith, tho thingis he schal repe. For he that sowith in his fleisch, of the fleisch he schal repe corrupcioun; but he that sowith in the spirit, of the spirit he schal repe euerelastynge lijf.Select Galatians 6:8

9And doynge good faile we not; for in his tyme we schal repe, not failinge.Select Galatians 6:9

10Therfor while we han tyme, worche we good to alle men; but most to hem that ben homliche of the feith.Select Galatians 6:10

11Se ye, what maner lettris Y haue write to you with myn owne hoond.Select Galatians 6:11

12For who euere wole plese in the fleisch, `this constreyneth you to be circumcidid, oonli that thei suffren not the persecucioun of Cristis crosse.Select Galatians 6:12

13For nether thei that ben circumcidid kepen the lawe; but thei wolen that ye be circumcidid, that thei haue glorie in youre fleisch.Select Galatians 6:13

14But fer be it fro me to haue glorie, no but in the crosse of oure Lord Jhesu Crist, bi whom the world is crucified to me, and Y to the world.Select Galatians 6:14

15For in Jhesu Crist nether circumcisioun is ony thing worth, ne prepucie, but a newe creature.Select Galatians 6:15

16And who euere suwen this reule, pees on hem, and merci, and on Israel of God.Select Galatians 6:16

17And heraftir no man be heuy to me; for Y bere in my bodi the tokenes of oure Lord Jhesu Crist.Select Galatians 6:17

18The grace of oure Lord Jhesu Crist be with youre spirit, britheren. Amen.Select Galatians 6:18