11Genesis 11

1Forsothe the lond was of o langage, and of the same speche.Select Genesis 11:1

2And whanne thei yeden forth fro the eest, thei fonden a feeld in the lond of Sennaar, and dwelliden ther ynne.Select Genesis 11:2

3And oon seide to his neiybore, Come ye, and make we tiel stonys, and bake we tho with fier; and thei hadden tiel for stonus, and pitche for morter;Select Genesis 11:3

4and seiden, Come ye, and make we to vs a citee and tour, whos hiynesse stretche `til to heuene; and make we solempne oure name bifor that we be departid in to alle londis.Select Genesis 11:4

5Forsothe the Lord cam down to se the citee and tour, which the sones of Adam bildiden.Select Genesis 11:5

6And he seide, Lo! the puple is oon, and o langage is to alle, and thei han bigunne to make this, nethir thei schulen ceesse of her thouytis, til thei fillen tho in werk; therfor come ye, go we doun,Select Genesis 11:6

7and scheende we there the tunge of hem, that ech man here not the voys of his neiybore.Select Genesis 11:7

8And so the Lord departide hem fro that place in to alle londis; and thei cessiden to bielde a cytee.Select Genesis 11:8

9And therfor the name therof was clepid Babel, for the langage of al erthe was confoundide there; and fro thennus the Lord scaterede hem on the face of alle cuntrees.Select Genesis 11:9

10These ben the generaciouns of Sem. Sem was of an hundrid yeer whanne he gendride Arfaxath, twey yeer aftir the greet flood.Select Genesis 11:10

11And Sem lyuede aftir that he gendride Arfaxath fyue hundrid yeer, and gendride sones and douytris.Select Genesis 11:11

12Forsothe Arfaxath lyuede fyue and thretti yeer, and gendride Sale;Select Genesis 11:12

13and Arfaxath lyuede aftir that he gendride Sale thre hundride and thre yeer, and gendride sones and douytris.Select Genesis 11:13

14Also Sale lyuede thretti yeer, and gendride Heber;Select Genesis 11:14

15and Sale lyuede after that he gendride Heber foure hundrid and thre yeer, and gendride sones and douytris.Select Genesis 11:15

16Sotheli Heber lyuede foure and thretti yeer, and gendride Falech;Select Genesis 11:16

17and Heber lyuede aftir that he gendride Falech foure hundrid and thretti yeer, and gendride sones and douytris.Select Genesis 11:17

18Also Falech lyuede thretti yeer, and gendride Reu;Select Genesis 11:18

19and Falech lyuede aftir that he gendride Reu two hundrid and nyne yeer, and gendride sones and douytris.Select Genesis 11:19

20And Reu lyuede two and thretti yeer, and gendride Saruch;Select Genesis 11:20

21and Reu lyuede aftir that he gendride Saruch two hundrid and seuene yeer, and gendride sones and douytris.Select Genesis 11:21

22Sotheli Saruch lyuede thretti yeer, and gendride Nachor;Select Genesis 11:22

23and Saruch lyuede aftir that he gendride Nacor two hundrid yeer, and gendride sones and douytris.Select Genesis 11:23

24Forsothe Nachor lyuede nyne and twenti yeer, and gendride Thare;Select Genesis 11:24

25and Nachor lyuede after that he gendride Thare an hundrid and nynetene yeer, and gendride sones and douytris.Select Genesis 11:25

26And Thare lyuede seuenti yeer, and gendride Abram, and Nachor, and Aran.Select Genesis 11:26

27Sotheli these ben the generaciouns of Thare. Thare gendride Abram, Nachor, and Aran. Forsothe Aran gendride Loth;Select Genesis 11:27

28and Aran diede bifore Thare, his fadir, in the lond of his natiuite, in Vr of Caldeis.Select Genesis 11:28

29Forsothe Abram and Nachor weddiden wyues; the name of the wijf of Abram was Saray, and the name of the wiif of Nachor was Melcha, the douyter of Aran, fadir of Melcha and fadir of Jescha.Select Genesis 11:29

30Sotheli Saray was bareyn, and hadde no children.Select Genesis 11:30

31And so Thare took Abram, his sone, and Loth, the sone of Aran his sone, and Saray, his douyter in lawe, the wijf of Abram, his sone, and ledde hem out of Vr of Caldeis, that thei schulen go in to the lond of Chanaan; and thei camen `til to Aran, and dwelliden there.Select Genesis 11:31

32And the daies of Thare weren maad two hundrid yeer and fyue, and he was deed in Aran.Select Genesis 11:32