22Genesis 22

1And aftir that these thingis weren don, God assaiede Abraham, and seide to hym, Abraham! Abraham! He answerde, Y am present.Select Genesis 22:1

2God seide to him, Take thi `sone oon gendrid, whom thou louest, Ysaac; and go into the lond of visioun, and offre thou hym there in to brent sacrifice, on oon of the hillis whiche Y schal schewe to thee.Select Genesis 22:2

3Therfor Abraham roos bi niyt, and sadlide his asse, and ledde with hym twey yonge men, and Ysaac his sone; and whanne he hadde hewe trees in to brent sacrifice, he yede to the place which God hadde comaundid to him.Select Genesis 22:3

4Forsothe in the thridde dai he reiside hise iyen, and seiy a place afer;Select Genesis 22:4

5and he seide to hise children, Abide ye here with the asse, Y and the child schulen go thidur; and aftir that we han worschipid, we schulen turne ayen to you.Select Genesis 22:5

6And he took the trees of brent sacrifice, and puttide on Ysaac his sone; forsothe he bar fier, and a swerd in hise hondis. And whanne thei tweyne yeden togidere, Isaac seide to his fadir, My fadir!Select Genesis 22:6

7And he answerde, What wolt thou, sone? He seide, Lo! fier and trees, where is the beeste of brent sacrifice?Select Genesis 22:7

8Abraham seide, My sone, God schal puruey to hym the beeste of brent sacrifice.Select Genesis 22:8

9Therfor thei yeden to gidere, and camen to the place whiche God hadde schewid to hym, in which place Abraham bildide an auter, and dresside trees a boue; and whanne he hadde bounde to gidere Ysaac, his sone, he puttide Ysaac in the auter, on the heep of trees.Select Genesis 22:9

10And he helde forth his hond, and took the swerd to sacrifice his sone.Select Genesis 22:10

11And lo! an aungel of the Lord criede fro heuene, and seide, Abraham! Abraham!Select Genesis 22:11

12Which answerde, I am present. And the aungel seide to hym, Holde thou not forth thin honde on the child, nether do thou ony thing to him; now Y haue knowe that thou dredist God, and sparidist not thin oon gendrid sone for me.Select Genesis 22:12

13Abraham reiside hise iyen, and he seiy `bihynde his bak a ram cleuynge bi hornes among breris, which he took, and offride brent sacrifice for the sone.Select Genesis 22:13

14And he clepide the name of that place, The Lord seeth; wherfore it is seyd, til to dai, The Lord schal see in the hil.Select Genesis 22:14

15Forsothe the aungel of the Lord clepide Abraham the secounde tyme fro heuene,Select Genesis 22:15

16and seide, The Lord seith, Y haue swore bi my silf, for thou hast do this thing, and hast not sparid thin oon gendrid for me,Select Genesis 22:16

17Y schal blesse thee, and Y schal multiplie thi seed as the sterris of heuene, and as grauel which is in the brynk of the see; thi seed schal gete the yatis of hise enemyes;Select Genesis 22:17

18and alle the folkis of erthe schulen be blessid in thi seed, for thou obeiedist to my vois.Select Genesis 22:18

19Abraham turnede ayen to hise children, and thei yeden to Bersabee to gidere, and he dwellide there.Select Genesis 22:19

20And so whanne these thingis weren don, it was teld to Abraham that also Melcha hadde bore sones to Nachor his brother;Select Genesis 22:20

21Hus the firste gendrid, and Buz his brothir, and Chamuhel the fadir of Sireis,Select Genesis 22:21

22and Cased, and Asan, and Feldas,Select Genesis 22:22

23and Jedlaf, and Batuhel, of whom Rebecca was borun; Melcha childide these eiyte to Nachor brother of Abraham.Select Genesis 22:23

24Forsothe his concubyn, Roma bi name, childide Thabee, and Gaon, and Thaas, and Maacha.Select Genesis 22:24