35Genesis 35

1Yn the mene tyme the Lord spak to Jacob, Ryse thou, and stie to Bethel, and dwelle thou there, and make thou an auter to the Lord, that apperide to thee whanne thou fleddist Esau, thi brother.Select Genesis 35:1

2Forsothe Jacob seide, whanne al his hous was clepid to gidere, Caste ye a wei alien goddis, that ben `in the myddis of you, and be ye clensid, and chaunge ye youre clothis;Select Genesis 35:2

3rise ye, and stie we into Bethel, that we make there an auter to the Lord, which herde me in the dai of my tribulacioun, and was felowe of my weie.Select Genesis 35:3

4Therfor thei yauen to hym alle alien goddis which thei hadden, and eere ryngis, that weren in `the eeris of hem; and he deluyde tho vndur a `tre, clepid therubynte, which is bihynde the citee of Sichem.Select Genesis 35:4

5And whanne thei yeden, drede assailide alle men by cumpas of the citee, and thei weren not hardi to pursue hem goynge a wei.Select Genesis 35:5

6Therfor Jacob cam to Lusa, which is in the lond of Canaan, bi `sire name Bethel, he and al his puple with hym.Select Genesis 35:6

7And he bildide there an auter to the Lord, and clepide the name of that place The hows of God, for God apperide there to hym, whanne he fledde his brothir.Select Genesis 35:7

8Delbora, the nurische of Rebecca, diede in the same tyme, and sche was biried at the roote of Bethel, vndir an ook, and the name of the place was clepid The ook of wepyng.Select Genesis 35:8

9Forsothe God apperide eft to Jacob, aftir that he turnede ayen fro Mesopotanye of Sirie, and cam into Bethel, and blesside hym,Select Genesis 35:9

10and seide, Thou schalt no more be clepid Jacob, but Israel schal be thi name. And God clepide hym Israel, and seide to hym,Select Genesis 35:10

11Y am God Almyyti, encreesse thou, and be thou multiplied, folkis and puplis of naciouns schulen be of thee, kyngis schulen go out of thi leendis;Select Genesis 35:11

12and Y shal yyue to thee, and to thi seed after thee, the lond which Y yaf to Abraham, and Ysaac.Select Genesis 35:12

13And God departide fro hym.Select Genesis 35:13

14Forsothe Jacob reiside a title ether memorial of stoonys, in the place where ynne God spak to hym, and he sacrifiede ther onne fletynge sacrifices, and schedde out oile,Select Genesis 35:14

15and clepide the name of that place Bethel.Select Genesis 35:15

16Forsothe Jacob yede out fro thennus, and cam in the bigynnynge of somer to the lond that ledith to Effrata; in which lond whanne Rachel trauelide in child beryng,Select Genesis 35:16

17sche bigan to be in perel for the hardnesse of childberyng; and the medewijf seide to hir, Nyle thou drede, for thou schalt haue also this sone.Select Genesis 35:17

18Forsothe while the soule yede out for sorew, and deeth neiyede thanne, she clepide the name of hir sone Bennony, that is, the sone of my sorewe; forsothe the fadir clepide hym Beniamyn, that is the sone of the riyt side.Select Genesis 35:18

19Therfor Rachel diede, and was biriede in the weie that ledith to Effrata, this is Bethleem.Select Genesis 35:19

20And Jacob bildide a title on the sepulcre of hir; this is the title of biriel of Rachel `til into present dai.Select Genesis 35:20

21Jacob yede fro thennus, and settide tabernacle ouer the tour of the flok.Select Genesis 35:21

22And while he dwellide in that cuntrei, Ruben yede, and slepte with Bala, the secundarie wijf of his fadir, which thing was not hid fro hym. Forsothe the sones of Jacob weren twelue;Select Genesis 35:22

23the sones of Lia weren, the firste gendrid Ruben, and Symeon, and Leuy, and Judas, and Isachar, and Zabulon;Select Genesis 35:23

24the sones of Rachel weren, Joseph and Beniamyn;Select Genesis 35:24

25the sones of Bala, handmayde of Rachel, weren Dan, and Neptalym;Select Genesis 35:25

26the sones of Zelfa, handmayde of Lya, weren Gad, and Aser. These weren the sones of Jacob, that weren borun to hym in Mesopotanye of Sirie.Select Genesis 35:26

27Also Jacob came to Isaac, his fadir, in to Manbre, a citee Arabee, this is Ebron, in which Manbre Abraham `and Isaac was a pylgrym.Select Genesis 35:27

28And the daies of Isaac weren fillid an hundrid and foure scoore of yeris;Select Genesis 35:28

29and he was wastid in age, and diede, and he was put to his puple, and was eeld, and ful of daies; and Esau and Jacob his sones birieden hym.Select Genesis 35:29