42Genesis 42

1Forsothe Jacob herde that foodis weren seeld in Egipt, and he seide to hise sones, Whi ben ye necgligent?Select Genesis 42:1

2Y herde that wheete is seeld in Egipt, go ye doun, and bie ye necessaries to vs, that we moun lyue, and be not wastid bi nedynesse.Select Genesis 42:2

3Therfor ten britheren of Joseph yeden doun to bie wheete in Egipt,Select Genesis 42:3

4and Beniamyn was withholdun of Jacob at hoome, that seide to hise britheren, Lest perauenture in the weie he suffre ony yuel.Select Genesis 42:4

5Sotheli thei entriden in to the lond of Egipt, with othere men that yeden to bie; forsothe hungur was in the lond of Canaan.Select Genesis 42:5

6And Joseph was prince of Egipt, and at his wille whetis weren seeld to puplis. And whanne hise britheren hadden worschipid hym,Select Genesis 42:6

7and he hadde knowe hem, he spak hardere as to aliens, and axide hem, Fro whennus camen ye? Whiche answeriden, Fro the lond of Canaan, that we bie necessaries to lyiflode.Select Genesis 42:7

8And netheles he knewe the britheren, and he was not knowun of hem,Select Genesis 42:8

9and he bithouyte on the dremys whiche he seiy sumtyme. And he seide to hem, Ye ben aspieris, ye camen to se the feblere thingis of the lond.Select Genesis 42:9

10Whiche seiden, Lord, it is not so, but thi seruauntis camen to bie metis;Select Genesis 42:10

11alle we ben the sones of o man, we comen pesible, and thi seruauntis ymaginen not ony yuel.Select Genesis 42:11

12To `whiche he answeride, It is in other maner, ye camen to se the feble thingis of the lond.Select Genesis 42:12

13And thei seiden, `We twelue britheren, thi seruauntis, ben sones of o man in the lond of Canaan; the leeste is with oure fadir, an other is not `on erthe.Select Genesis 42:13

14This it is, he seide, that Y spak to you,Select Genesis 42:14

15ye ben aspieris, riyt now Y schal take experience of you, bi the helthe of Farao ye schulen not go fro hennus, til youre leeste brother come; sende ye oon of you,Select Genesis 42:15

16that he brynge hym, forsothe ye schulen be in boondis, til tho thingis that ye seiden ben preued, whether tho ben false ether trewe; ellis, bi the helthe of Farao, ye ben aspieris.Select Genesis 42:16

17Therfor he bitook hem to kepyng thre daies; sotheli in the thridde dai,Select Genesis 42:17

18whanne thei weren led out of prisoun, he seide, Do ye that that Y seide, and ye schulen lyue, for Y drede God;Select Genesis 42:18

19if ye ben pesible, o brother of you be boundun in prisoun; forsothe go ye, and bere wheetis, whiche ye bouyten,Select Genesis 42:19

20in to youre housis, and brynge ye youre leeste brother to me, that Y may preue youre wordis, and ye die not. Thei diden as he seide,Select Genesis 42:20

21and thei spaken togidere, Skilfuli we suffren these thingis, for we synneden ayens oure brother, and we seiyen the anguysch of his soule, while he preiede vs, and we herden not; herfore this tribulacioun cometh on vs.Select Genesis 42:21

22Of which oon, Ruben, seide, Whether Y seide not to yow, Nyle ye do synne ayens the child, and ye herden not me? lo! his blood is souyt.Select Genesis 42:22

23Sotheli thei wisten not that Joseph vndirstood, for he spak to hem by interpretour.Select Genesis 42:23

24And he turnede awei hym silf a litil and wepte; and he turnede ayen, and spak to hem.Select Genesis 42:24

25And he took Symeon, and boond hym, while thei weren present; and he comaundide the mynystris, that thei schulden fille her sackis with wheete, and that thei schulden putte the money `of alle in her baggis, and ouer this yyue metis in the weie; whiche diden so.Select Genesis 42:25

26And thei `baren wetis on her assis, and yeden forth,Select Genesis 42:26

27and whanne the sak of oon was opened that he schulde yyue meete to the werk beeste in the yn, he bihelde the money in the mouth of the bagge,Select Genesis 42:27

28and seide to his britheren, My monei is yoldun to me, lo! it is had in the bagge; and thei weren astonyed, and troblid, and seiden togidere, What thing is this that God hath doon to us.Select Genesis 42:28

29And thei camen to Jacob, her fadir, in the loond of Canaan, and telden to hym alle thingis that bifelden to hem, and seiden,Select Genesis 42:29

30The lord of the lond spak harde to vs, and gesside that we weren aspieris of the prouynce;Select Genesis 42:30

31to whom we answeriden, We ben pesible, nether we purposen ony tresouns;Select Genesis 42:31

32we ben twelue britheren, gendrid of o fadir, oon is not `on erthe, the leeste dwellith with the fadir in the lond of Canaan.Select Genesis 42:32

33And he seide to vs, Thus Y schal preue that ye ben pesible; leeffe ye o brother of you with me, and take ye metis nedeful to youre housis, and go ye, and brynge ye to me youre leeste brother,Select Genesis 42:33

34that Y wite that ye ben not aspieris, and that ye moun resseyue this brother which is holdun in boondis, and that fro thennus forth ye haue licence to bie what thingis ye wolen.Select Genesis 42:34

35While these thingis weren seide, whanne alle schedden out wheetis, thei founden money boundun in `the mouth of sackis. And whanne alle togidere weren aferd,Select Genesis 42:35

36the fadir Jacob seide, Ye han maad me to be with out children; Joseph is not alyue, Symeon is holdun in bondis, ye schulen take a wey fro me Beniamyn; alle these yuels felden in me.Select Genesis 42:36

37To whom Ruben answeride, Sle thou my twei sones, if Y shal not brynge hym ayen to thee; take thou hym in myn hond, and Y schal restore hym to thee.Select Genesis 42:37

38And Jacob seide, My sone schal not go doun with you; his brother is deed, he aloone is left; if ony aduersite schal bifalle `to hym in the lond to which ye schulen go, ye schulen lede forth myn hoore heeris with sorewe to hellis.Select Genesis 42:38