46Genesis 46

1And Israel yede forth with alle thingis that he hadde, and he cam to the pit of ooth; and whanne sacrifices weren slayn there to God of his fadir Isaac,Select Genesis 46:1

2he herde God bi a visioun in that nyyt clepynge hym, `and seiynge to hym, Jacob! Jacob! To whom he answeride, Lo! Y am present.Select Genesis 46:2

3God seide to hym, Y am the strongeste God of thi fadir; nyle thou drede, go doun in to Egipt, for Y schal make thee there in to a greet folk;Select Genesis 46:3

4Y schal go doun thidir with thee, and Y schal brynge thee turnynge ayen fro thennus, and Joseph schal sette his hond on thin iyen.Select Genesis 46:4

5Jacob roos fro the pit of ooth, and the sones token him, with her litle children, and wyues, in the waynes whiche Farao hadde sent to bere the eld man,Select Genesis 46:5

6and alle thingis whiche he weldide in the lond of Canaan; and he cam in to Egipt with his seed,Select Genesis 46:6

7hise sones, and her sones, and douytris, and al the generacioun togidere.Select Genesis 46:7

8Forsothe thes ben the names of the sones of Israel, that entriden in to Egipte; he with hise fre children. The firste gendrid Ruben;Select Genesis 46:8

9the sones of Ruben, Enoch, and Fallu, and Esrom, and Carmi.Select Genesis 46:9

10The sones of Symeon, Jemuhel, and Jamyn, and Ahoth, and Jachyn, and Sab, and Saber, and Saul, the sone of a womman of Canaan.Select Genesis 46:10

11The sones of Leuy, Gerson, Caath, and Merarie.Select Genesis 46:11

12The sones of Juda, Her and Onam, and Sela, and Fares, and Zara. Forsothe Her and Onam dieden in the lond of Canaan; and the sones of Fares weren borun, Esrom, and Amul.Select Genesis 46:12

13The sones of Isacar, Thola, and Fua, and Jobab, and Semron.Select Genesis 46:13

14The sones of Zabulon, Sared, and Thelom, and Jahel.Select Genesis 46:14

15These ben the sones of Lia, whiche sche childide in Mesopotanye of Sirie, with Dyna, hir douyter; alle the soules of hise sones and douytris, thre and thretti.Select Genesis 46:15

16The sones of Gad, Sefion, and Aggi, Suny, and Hesebon, Heri, and Arodi, and Areli.Select Genesis 46:16

17The sones of Aser, Jamne, and Jesua, and Jesui, and Beria; and Sara, the sister of hem. The sones of Beria, Heber and Melchiel.Select Genesis 46:17

18These weren the sones of Zelfa, whom Laban yaf to Lia, his douyter, and Jacob gendryde these sixtene persones.Select Genesis 46:18

19The sones of Rachel, `wijf of Jacob, weren Joseph and Beniamyn.Select Genesis 46:19

20And sones weren borun to Joseph in the loond of Egipt, Manasses and Effraym, whiche Asenech, `douytir of Putifar, preest of Helipoleos, childide to hym.Select Genesis 46:20

21The sones of Beniamin weren Bela, and Becor, and Asbel, Gera, and Naaman, and Jechi, `Ros, and Mofym, and Ofym, and Ared.Select Genesis 46:21

22These weren the sones of Rachel, whiche Jacob gendride; alle the persones weren fouretene.Select Genesis 46:22

23The sone of Dan, Vsym.Select Genesis 46:23

24The sones of Neptalym, Jasiel, and Guny, and Jeser, and Salem.Select Genesis 46:24

25These weren `the sones of Bala, whom Laban yaf to Rachel his douytir.Select Genesis 46:25

26And Jacob gendride these; alle the soules weren seuene. And alle the men that entriden with Jacob in to Egipt, and yeden out of his thiy, with out `the wyues of his sones, weren sixti and sixe.Select Genesis 46:26

27Forsothe the sones of Joseph, that weren borun to hym in `the loond of Egipt, weren two men. Alle the soulis of `the hows of Jacob, that entriden in to Egipt, weren seuenti.Select Genesis 46:27

28Forsothe Jacob sente Judas bifore hym to Joseph, that he schulde telle to hym, and he schulde `come in to Gessen.Select Genesis 46:28

29And whanne Jacob hadde come thidir, Joseph stiede in his chare to mete his fadir at the same place. And he siy Jacob, and felde on `his necke, and wepte bitwixe collyngis.Select Genesis 46:29

30And the fadir seide to Joseph, Now Y schal die ioiful, for Y siy thi face, and Y leeue thee lyuynge.Select Genesis 46:30

31And Joseph spak to hise brithren, and to al `the hows of his fadir, I schal stie, and `Y schal telle to Farao, and Y schal seie to hym, My britheren, and the hows of my fadir, that weren in the lond of Canaan, ben comun to me,Select Genesis 46:31

32and thei ben men kepers of scheep, and han bisynesse of flockis to be fed; thei brouyten with hem her scheep and grete beestis, and alle thingis whiche thei miyten haue.Select Genesis 46:32

33And whanne Farao schal clepe you, and schal seie, What is youre werk? ye schulen answere, We ben thi seruauntis, men scheepherdis, fro oure childhed til in to present tyme, bothe we and oure fadris. Sotheli ye schulen seye these thingis, that ye moun dwelle in the lond of Gessen, for Egipcians wlaten alle keperis of scheep.Select Genesis 46:33