5Genesis 5

1This is the book of generacioun of Adam, in the dai wher ynne God made man of nouyt. God made man to the ymage and licnesse of God;Select Genesis 5:1

2God formede hem male and female, and blesside hem, and clepide the name of hem Adam, in the day in which thei weren formed.Select Genesis 5:2

3Forsothe Adam lyuede an hundrid yeer and thretti, and gendride a sone to his ymage and liknesse, and clepide his name Seth.Select Genesis 5:3

4And the daies of Adam after that he gendride Seth weren maad eiyte hundrid yeer, and he gendride sones and douytris.Select Genesis 5:4

5And al the tyme in which Adam lyuede was maad nyne hundrid yeer and thretti, and he was deed.Select Genesis 5:5

6Also Seth lyuede an hundrid and fyue yeer, and gendride Enos.Select Genesis 5:6

7And Seth lyuede aftir that he gendride Enos eiyte hundrid and seuen yeer, and gendride sones and douytris.Select Genesis 5:7

8And alle the daies of Seth weren maad nyne hundrid and twelue yeer, and he was deed.Select Genesis 5:8

9Forsothe Enos lyuede nynti yeer, and gendride Caynan;Select Genesis 5:9

10aftir whos birthe Enos lyuede eiyte hundrid and fiftene yeer, and gendride sones and douytris.Select Genesis 5:10

11And alle the daies of Enos weren maad nyne hundrid and fyue yeer, and he was deed.Select Genesis 5:11

12Also Caynan lyuyde seuenti yeer, and gendride Malalehel.Select Genesis 5:12

13And Caynan lyuede after that he gendride Malalehel eiyte hundrid and fourti yeer, and gendride sones and douytris.Select Genesis 5:13

14And alle the dayes of Caynan weren maad nyn hundrid and ten yeer, and he was deed.Select Genesis 5:14

15Forsothe Malalehel lyuede sixti yeer and fyue, and gendride Jared.Select Genesis 5:15

16And Malalehel lyuede aftir that he gendride Jared eiyte hundrid and thretti yeer, and gendride sones and douytris.Select Genesis 5:16

17And alle the daies of Malalehel weren maad eiyte hundrid nynti and fyue yeer, and he was deed.Select Genesis 5:17

18And Jared lyuede an hundrid and two and sixti yeer, and gendride Enoth.Select Genesis 5:18

19And Jared lyuede aftir that he gendride Enoth eiyte hundrid yeer, and gendride sones and douytris.Select Genesis 5:19

20And alle the dayes of Jared weren maad nyn hundrid and twei and sexti yeer, and he was deed.Select Genesis 5:20

21Forsothe Enoth lyuede fyue and sixti yeer, and gendride Matusalem.Select Genesis 5:21

22And Enoth yede with God; and Enoth lyuede after that he gendride Matusalem thre hundrid yeer, and gendride sones and douytris.Select Genesis 5:22

23And alle the daies of Enoth weren maad thre hundride and fyue and sexti yeer.Select Genesis 5:23

24And Enoth yeed with God, and apperide not afterward, for God took hym awei.Select Genesis 5:24

25Also Matusalem lyuede an hundrid and `fourscoor yeer and seuene, and gendride Lameth.Select Genesis 5:25

26And Matusalem lyuede after that he gendride Lameth seuene hundrid and `fourscoor yeer and twei, and gendride sones and douytris.Select Genesis 5:26

27And alle the daies of Matusale weren maad nyn hundrid and nyn and sixti yeer, and he was deed.Select Genesis 5:27

28Forsothe Lameth lyuede an hundrid and `fourscoor yeer and two, and gendride a sone;Select Genesis 5:28

29and clepide his name Noe, and seide, This man schal comforte vs of the werkis and traueilis of oure hondis, in the loond which the Lord curside.Select Genesis 5:29

30And Lameth lyuede after that he gendride Noe fyue hundrid `nynti and fyue yeer, and gendride sones and douytris.Select Genesis 5:30

31And alle the daies of Lameth weren maad seuene hundrid `thre scoor and seuentene yeer, and he was deed.Select Genesis 5:31