1Hebrews 1

1God, that spak sum tyme bi prophetis in many maneres to oure fadris, at theSelect Hebrews 1:1

2laste in these daies he hath spoke to vs bi the sone; whom he hath ordeyned eir of alle thingis, and bi whom he made the worldis.Select Hebrews 1:2

3Which whanne also he is the briytnesse of glorie, and figure of his substaunce, and berith alle thingis bi word of his vertu, he makith purgacioun of synnes, and syttith on the riythalf of the maieste in heuenes;Select Hebrews 1:3

4and so myche is maad betere than aungels, bi hou myche he hath eneritid a more dyuerse name bifor hem.Select Hebrews 1:4

5For to whiche of the aungels seide God ony tyme, Thou art my sone, Y haue gendrid thee to dai? And eftsoone, Y schal be to hym in to a fadir, and he schal be to me in to a sone?Select Hebrews 1:5

6And whanne eftsoone he bryngith in the firste bigetun sone in to the world, he seith, And alle the aungels of God worschipe hym.Select Hebrews 1:6

7But he seith to aungels, He that makith hise aungels spiritis, and hise mynystris flawme of fier.Select Hebrews 1:7

8But to the sone he seith, God, thi trone is in to the world of world; a yerde of equite is the yerde of thi rewme;Select Hebrews 1:8

9thou hast louyd riytwisnesse, and hatidist wickidnesse; therfor the God, thi God, anoyntide thee with oile of ioye, more than thi felowis.Select Hebrews 1:9

10And, Thou, Lord, in the bigynnyng foundidist the erthe, and heuenes ben werkis of thin hondis; thei schulen perische,Select Hebrews 1:10

11but thou schalt perfitli dwelle; and alle schulen wexe elde as a cloth, and thou schalt chaunge hem as a cloth,Select Hebrews 1:11

12and thei schulen be chaungid. But thou art the same thi silf, and thi yeeris schulen not faile.Select Hebrews 1:12

13But to whiche of the aungels seide God at ony tyme, Sitte thou on my riythalf, till Y putte thin enemyes a stool of thi feet?Select Hebrews 1:13

14Whether thei alle ben not seruynge spiritis, sente to seruen for hem that taken the eritage of heelthe?Select Hebrews 1:14