11Hebrews 11

1But feith is the substaunce of thingis that ben to be hopid, and an argument of thingis not apperynge.Select Hebrews 11:1

2And in this feith elde men han gete witnessyng.Select Hebrews 11:2

3Bi feith we vndurstonden that the worldis weren maad bi Goddis word, that visible thingis weren maad of vnuysible thingis.Select Hebrews 11:3

4Bi feith Abel offride a myche more sacrifice than Caym to God, bi which he gat witnessyng to be iust, for God bar witnessyng to hise yiftis; and bi that feith he deed spekith yit.Select Hebrews 11:4

5Bi feith Ennok was translatid, that he schulde not se deth; and he was not foundun, for the Lord translatide him. For bifore translacioun he hadde witnessing that he pleside God.Select Hebrews 11:5

6And it is impossible to plese God without feith. For it bihoueth that a man comynge to God, bileue that he is, and that he is rewardere to men that seken hym.Select Hebrews 11:6

7Bi feith Noe dredde, thorouy answere takun of these thingis that yit weren not seyn, and schapide a schip in to the helthe of his hous; bi which he dampnede the world, and is ordeyned eir of riytwisnesse, which is bi feith.Select Hebrews 11:7

8By feith he that is clepid Abraham, obeiede to go out in to a place, whiche he schulde take in to eritage; and he wente out, not witinge whidur he schulde go.Select Hebrews 11:8

9Bi feith he dwelte in the loond of biheest, as in an alien loond, dwellynge in litle housis with Ysaac and Jacob, euene heiris of the same biheest.Select Hebrews 11:9

10For he abood a citee hauynge foundementis, whos crafti man and maker is God.Select Hebrews 11:10

11Bi feith also the ilke Sara bareyn, took vertu in consceyuyng of seed, yhe, ayen the tyme of age; for sche bileuede hym trewe, that hadde bihiyte.Select Hebrews 11:11

12For which thing of oon, and yit nyy deed, ther ben borun as sterris of heuene in multitude, and as grauel that is at the see side out of noumbre.Select Hebrews 11:12

13Bi feith alle these ben deed, whanne the biheestis weren not takun, but thei bihelden hem afer, and gretynge hem wel, and knoulechide that thei weren pilgryms, and herboryd men on the erthe.Select Hebrews 11:13

14And thei that sayn these thingis, signifien that thei sechen a cuntre.Select Hebrews 11:14

15`If thei hadden hadde mynde of the ilke, of which thei wenten out, thei hadden tyme of turnyng ayen;Select Hebrews 11:15

16but now thei desiren a betere, that is to seie, heuenli. Therfor God is not confoundid to be clepid the God of hem; for he made redi to hem a citee.Select Hebrews 11:16

17Bi feith Abraham offride Ysaac, whanne he was temptid; and he offride the oon bigetun, whych had takun the biheestis;Select Hebrews 11:17

18to whom it was seid, For in Ysaac the seed schal be clepid to thee.Select Hebrews 11:18

19For he demyde, that God is myyti to reise hym, yhe, fro deth; wherfor he took hym also in to a parable.Select Hebrews 11:19

20Bi feith also of thingis to comynge, Ysaac blesside Jacob and Esau.Select Hebrews 11:20

21Bi feith Jacob diynge blesside alle the sones of Joseph, and onouride the hiynesse of his yerde.Select Hebrews 11:21

22Bi feith Joseph dyynge hadde mynde of the passyng forth of the children of Israel, and comaundide of hise boonys.Select Hebrews 11:22

23Bi feith Moyses borun, was hid thre monethis of his fadir and modir, for that thei seiyen the yonge child fair; and thei dredden not the maundement of the king.Select Hebrews 11:23

24Bi feith Moises was maad greet, and denyede that he was the sone of Faraos douytir,Select Hebrews 11:24

25and chees more to be turmentid with the puple of God, than to haue myrthe of temporal synne;Select Hebrews 11:25

26demynge the repreef of Crist more richessis than the tresours of Egipcians; for he bihelde in to the rewarding.Select Hebrews 11:26

27Bi feith he forsook Egipt, and dredde not the hardynesse of the king; for he abood, as seinge hym that was vnuysible.Select Hebrews 11:27

28Bi feith he halewide pask, and the scheding out of blood, that he that distriede the firste thingis of Egipcians, schulde not touche hem.Select Hebrews 11:28

29Bi feith thei passiden the reed see, as bi drye lond, which thing Egipcians asaiynge weren deuourid.Select Hebrews 11:29

30Bi feith the wallis of Jerico felden doun, bi cumpassyng of seuene daies.Select Hebrews 11:30

31Bi feith Raab hoor resseyuede the aspieris with pees, and perischide not with vnbileueful men.Select Hebrews 11:31

32And what yit schal Y seie? For tyme schal faile to me tellynge of Gedeon, Barak, Sampson, Jepte, Dauid, and Samuel, and of othere prophetis;Select Hebrews 11:32

33whiche bi feith ouercamen rewmes, wrouyten riytwisnesse, gaten repromyssiouns; thei stoppiden the mouthis of liouns,Select Hebrews 11:33

34thei quenchiden the feersnesse of fier, thei dryueden awei the egge of swerd, thei coueriden of sijknesse, thei weren maad strong in batel, thei turneden the oostis of aliens.Select Hebrews 11:34

35Wymmen resseyueden her deed children fro deth to lijf; but othere weren holdun forth, not takinge redempcioun, that thei schulden fynde a betere ayenrising.Select Hebrews 11:35

36And othere asaieden scornyngis and betingis, more ouer and boondis and prisouns.Select Hebrews 11:36

37Thei weren stoned, thei weren sawid, thei weren temptid, thei weren deed in sleyng of swerd. Thei wenten aboute in broc skynnes, and in skynnes of geet, nedi, angwischid, turmentid;Select Hebrews 11:37

38to whiche the world was not worthi. Thei erriden in wildernessis, in mounteynes and dennes, and caues of the erthe.Select Hebrews 11:38

39And alle these, preued bi witnessing of feith, token not repromyssioun;Select Hebrews 11:39

40for God purueiede sum betere thing for vs, that thei schulden not be maad perfit with outen vs.Select Hebrews 11:40