48Jeremiah 48

1To Moab the Lord of oostis, God of Israel, seith these thingis. Wo on Nabo, for it is destried, and schent; Cariathiarym is takun, the stronge citee is schent, and tremblide.Select Jeremiah 48:1

2And ful out ioiyng is no more in Moab, thei thouyten yuel ayens Esebon. Come ye, and leese we it fro folk. Therfor thou beynge stille, schalt be stille, and swerd schal sue thee.Select Jeremiah 48:2

3A vois of cry fro Oronaym, distriynge, and greet sorewe.Select Jeremiah 48:3

4Moab is defoulid, telle ye cry to litil children therof.Select Jeremiah 48:4

5For a man wepynge stiede with wepyng bi the stiyng of Luyth, for in the comyng doun of Oronaym enemyes herden the yellyng of sorewe.Select Jeremiah 48:5

6Fle ye, saue ye youre lyues; and ye schulen be as bromes in desert.Select Jeremiah 48:6

7For that that thou haddist trist in thi strengthis, and in thi tresouris, also thou schalt be takun. And Chamos schal go in to passyng ouer, the preestis therof and the princes therof togidere.Select Jeremiah 48:7

8And a robbere schal come to ech citee, and no citee schal be sauyd; and valeis schulen perische, and feeldi places schulen be distried, for the Lord seide.Select Jeremiah 48:8

9Yyue ye the flour of Moab, for it schal go out flourynge; and the citees therof schulen be forsakun, and vnhabitable.Select Jeremiah 48:9

10He is cursid, that doith the werk of God gilefuli; and he is cursid, that forbedith his swerd fro blood.Select Jeremiah 48:10

11Moab was plenteuouse fro his yong wexynge age, and restide in hise drastis, nether was sched out fro vessel in to vessel, and yede not in to passyng ouer; therfor his taaste dwellide in hym, and his odour is not chaungid.Select Jeremiah 48:11

12Therfor lo! daies comun, seith the Lord, and Y schal sende to it ordeynours, and arayeris of potels; and thei schulen araye it, and thei schulen waste the vessels therof, and hurtle togidere the potels of hem.Select Jeremiah 48:12

13And Moab schal be schent of Chamos, as the hous of Israel was schent of Bethel, in which it hadde trist.Select Jeremiah 48:13

14Hou seien ye, We ben stronge, and stalworthe men to fiyte?Select Jeremiah 48:14

15Moab is distried, and thei han brent the citees therof, and the chosun yonge men therof yeden doun in to sleynge, seith the kyng, the Lord of oostis is his name.Select Jeremiah 48:15

16The perischyng of Moab is nyy, that it come, and the yuel therof renneth ful swiftli.Select Jeremiah 48:16

17Alle ye that ben in the cumpas therof, coumforte it; and alle ye that knowen the name therof, seie, Hou is the stronge yerde brokun, the gloriouse staaf?Select Jeremiah 48:17

18Thou dwellyng of the douytir of Dibon, go doun fro glorie, sitte thou in thirst; for the distriere of Moab schal stie to thee, and he schal destrie thi strengthis.Select Jeremiah 48:18

19Thou dwellyng of Aroer, stonde in the weie, and biholde; axe thou hym that fleeth, and hym that ascapide; seie thou, What bifelle?Select Jeremiah 48:19

20Moab is schent, for he is ouercomun; yelle ye, and crye; telle ye in Arnon, that Moab is destried.Select Jeremiah 48:20

21And doom is comun to the lond of the feeld, on Elon, and on Jesa, and on Mephat, and on Dibon,Select Jeremiah 48:21

22and on Nabo, and on the hous of Debalthaym,Select Jeremiah 48:22

23and on Cariathiarym, and on Bethgamul, and on Bethmaon, and on Scarioth,Select Jeremiah 48:23

24and on Bosra, and on alle the citees of the lond of Moab, that ben fer, and that ben niy.Select Jeremiah 48:24

25The horn of Moab is kit awei, and the arm therof is al to-brokun, seith the Lord.Select Jeremiah 48:25

26Fille ye him greetli, for he is reisid ayens the Lord; and he schal hurtle doun the hond of Moab in his spuyng, and he also schal be in to scorn.Select Jeremiah 48:26

27For whi, Israel, he was in to scorn to thee, as if thou haddist founde hym among theues; therfor for thi wordis whiche thou spakist ayens hym, thou schalt be led prisoner.Select Jeremiah 48:27

28Ye dwelleris of Moab, forsake citees, and dwelle in the stoon, and be ye as a culuer makynge nest in the hiyeste mouth of an hool.Select Jeremiah 48:28

29We han herd the pride of Moab; he is ful proud.Select Jeremiah 48:29

30Y knowe, seith the Lord, the hiynesse therof, and pride in word, and pride in beryng, and the hiynesse of herte, and the boost therof, and that the vertu therof is not niy, ethir lijk it, nethir it enforside to do bi that that it miyte.Select Jeremiah 48:30

31Therfor Y schal weile on Moab, and Y schal crie to al Moab, to the men of the erthene wal, that weilen.Select Jeremiah 48:31

32Of the weilyng of Jaser Y schal wepe to thee, thou vyner of Sabama; thi siouns passiden the see, tho camen `til to the see of Jazer; a robbere felle in on thi ripe corn, and on thi vyndage.Select Jeremiah 48:32

33Ful out ioye and gladnesse is takun awei fro Carmele, and fro the lond of Moab, and Y haue take awei wyn fro pressouris; a stampere of grape schal not synge a customable myri song.Select Jeremiah 48:33

34Of the cry of Esebon `til to Eleale and Jesa thei yauen her vois, fro Segor `til to Oronaym a cow calf of thre yeer; forsothe the watris of Nemrym schulen be ful yuele.Select Jeremiah 48:34

35And Y schal take awei fro Moab, seith the Lord, him that offrith in hiy places, and him that makith sacrifice to the goddis therof.Select Jeremiah 48:35

36Therfor myn herte schal sowne as a pipe of bras to Moab, and myn herte schal yyue sown of pipis to the men of the erthene wal; for it dide more than it myyte, therfor thei perischiden.Select Jeremiah 48:36

37For whi ech heed schal be ballidnesse, and ech beerd schal be schauun; in alle hondis schal be bindyng togidere, and an heir schal be on ech bak.Select Jeremiah 48:37

38And al weilyng schal be on alle the roouys of Moab, and in the stretis therof, for Y haue al to-broke Moab as an vnprofitable vessel, seith the Lord.Select Jeremiah 48:38

39Hou is it ouercomun, and thei yelliden? hou hath Moab cast doun the nol, and is schent? And Moab schal be in to scorn, and in to ensaumple to alle men in his cumpas.Select Jeremiah 48:39

40The Lord seith these thingis, Lo! as an egle he schal fle out, and he schal stretche forth hise wyngis to Moab.Select Jeremiah 48:40

41Carioth is takun, and stronge holdis ben takun; and the herte of stronge men of Moab schal be in that dai, as the herte of a womman trauelynge of child.Select Jeremiah 48:41

42And Moab schal ceesse to be a puple, for it hadde glorie ayens the Lord.Select Jeremiah 48:42

43Drede, and diche, and snare is on thee, thou dwellere of Moab, seith the Lord.Select Jeremiah 48:43

44He that fleeth fro the face of drede, schal falle in to a diche; and thei that stien fro the dyche, schulen be takun with a snare. For Y schal brynge on Moab the yeer of the visitacioun of hem, seith the Lord.Select Jeremiah 48:44

45Men fleynge fro the snare stoden in the schadewe of Esebon, for whi fier yede out of Esebon, and flawme fro the myddis of Seon; and deuouride a part of Moab, and the cop of the sones of noise.Select Jeremiah 48:45

46Moab, wo to thee; thou puple of Chamos, hast perischid, for whi thi sones and thi douytris ben takun in to caitiftee.Select Jeremiah 48:46

47And Y schal conuerte the caitiftee of Moab in the laste daies, seith the Lord. Hidur to ben the domes of Moab.Select Jeremiah 48:47