5Jeremiah 5

1Cumpasse ye the weies of Jerusalem, and loke, and biholde ye, and seke ye in the stretis therof, whether ye fynden a man doynge doom, and sekynge feith; and Y schal be merciful to hem.Select Jeremiah 5:1

2That if also thei seien, The Lord lyueth, yhe, thei schulen swere this falsli.Select Jeremiah 5:2

3Lord, thin iyen biholden feith; thou hast smyte hem, and thei maden not sorewe; thou hast al tobroke hem, and thei forsoken to take chastisyng; thei maden her faces hardere than a stoon, and nolden turne ayen.Select Jeremiah 5:3

4Forsothe Y seide, In hap thei ben pore men, and foolis, that knowen not the weie of the Lord, and the doom of her God.Select Jeremiah 5:4

5Therfor Y schal go to the principal men, and Y schal speke to hem; for thei knewen the weie of the Lord, and the doom of her God. And lo! thei han more broke togidere the yok, and han broke boondis.Select Jeremiah 5:5

6Therfor a lioun of the wode smoot hem; a wolf at euentid wastide hem, a parde wakynge on the citees of hem. Ech man that goith out of hem, schal be takun; for the trespassyngis of hem ben multiplied, the turnyngis awei of hem ben coumfortid.Select Jeremiah 5:6

7On what thing mai Y be merciful to thee? Thi sones han forsake me, and sweren bi hem that ben not goddis. Y fillide hem, and thei diden auowtrie, and in the hous of an hoore thei diden letcherie.Select Jeremiah 5:7

8Thei ben maad horsis, and stalouns, louyeris to wymmen; ech man neiyede to the wijf of his neiybore.Select Jeremiah 5:8

9Whether Y schal not visite on these thingis, seith the Lord, and schal not my soule take veniaunce in siche a folk?Select Jeremiah 5:9

10Stye ye on the wallis therof, and distrie ye; but nyle ye make an endyng. Do ye awei the siouns therof, for thei ben not seruauntis of the Lord.Select Jeremiah 5:10

11For whi the hous of Israel and the hous of Juda hath trespassid bi trespassyng ayens me, seith the Lord;Select Jeremiah 5:11

12thei denyeden the Lord, and seiden, He is not, nether yuel schal come on vs; we schulen not se swerd and hungur.Select Jeremiah 5:12

13The profetis spaken ayens the wynd, and noon answer was in hem; therfor these thingis schulen come to hem.Select Jeremiah 5:13

14The Lord God of oostis seith these thingis, For ye spaken this word, lo! Y yyue my wordis in thi mouth in to fier, and this puple in to trees, and it schal deuoure hem.Select Jeremiah 5:14

15Lo! thou hous of Israel, seith the Lord, Y schal brynge on you a folk fro fer; a strong folk, an eeld folk, `a folk whos langage thou schalt not knowe, nether schalt vndurstonde what it spekith.Select Jeremiah 5:15

16The arowe caas therof is as an opyn sepulcre; alle ben stronge men.Select Jeremiah 5:16

17And it schal ete thi cornes, and it schal deuoure thi breed, thi sones and thi douytris; it schal ete thi flok, and thi droues, it schal ete also thi vyner, and thi fige tre; and it schal al to-breke thi stronge citees bi swerd, in whiche thou hast trist.Select Jeremiah 5:17

18Netheles in tho daies, seith the Lord, Y schal not make you in to endyng.Select Jeremiah 5:18

19That if ye seien, Whi hath oure Lord God do alle these thingis to vs? thou schalt seie to hem, As ye forsoken me, and serueden an alien god in youre lond, so ye schulen serue alien goddis in a lond not youre.Select Jeremiah 5:19

20Telle ye this to the hous of Jacob, and make ye herd in Juda, and seie ye,Select Jeremiah 5:20

21Here, thou fonned puple, that hast noon herte; whiche han iyen, and seen not, and eeris, and heren not.Select Jeremiah 5:21

22Therfor schulen not ye drede me, seith the Lord, and schulen not ye make sorewe for my face? Whiche haue set grauel a terme, ether ende, to the see, an euerlastynge comaundement, whiche it schal not passe; and the wawis therof schulen be mouyd, and schulen not haue power; and schulen wexe greet, and schulen not passe it.Select Jeremiah 5:22

23Forsothe an herte vnbileueful and terrynge to wraththe is maad to this puple; thei departiden,Select Jeremiah 5:23

24and yeden awei, and thei seiden not in her herte, Drede we oure Lord God, that yiueth to vs reyn tymeful, and lateful in his tyme; that kepith to vs the plente of heruest of the yeer.Select Jeremiah 5:24

25Youre wickidnessis diden awei these thingis, and youre synnes forbediden good fro you.Select Jeremiah 5:25

26For ther ben foundun in my puple wickid men, settynge tresoun, as fouleres settynge snaris and trappis, to take men.Select Jeremiah 5:26

27As a net, ether a trap, ful of briddis, so the housis of hem ben ful of gile. Therfor thei ben magnefied,Select Jeremiah 5:27

28and maad riche, maad fat with ynne, and maad fat with outforth, and thei passiden worst my wordis; thei demyden not a cause of a widewe, thei dressiden not the cause of a fadirles child, and thei demyden not the doom of pore men.Select Jeremiah 5:28

29Whether Y schal not visite on these thingis, seith the Lord, ether schal not my soule take veniaunce on sich a folk?Select Jeremiah 5:29

30Wondur and merueilouse thingis ben maad in the lond;Select Jeremiah 5:30

31profetis profesieden leesyng, and prestis ioieden with her hondis, and my puple louyde siche thingis. What therfor schal be don in the laste thing therof?Select Jeremiah 5:31