11John 11

1And ther was a sijk man, Lazarus of Bethanye, of the castel of Marie and Martha, hise sistris.Select John 11:1

2And it was Marye, which anoyntide the Lord with oynement, and wipte hise feet with hir heeris, whos brother Lazarus was sijk.Select John 11:2

3Therfor hise sistris senten to hym, and seide, Lord, lo! he whom thou louest, is sijk.Select John 11:3

4And Jhesus herde, and seide to hem, This syknesse is not to the deth, but for the glorie of God, that mannus sone be glorified bi hym.Select John 11:4

5And Jhesus louyde Martha, and hir sistir Marie, and Lazarus.Select John 11:5

6Therfor whanne Jhesus herde, that he was sijk, thanne he dwellide in the same place twei daies.Select John 11:6

7And after these thingis he seide to hise disciplis, Go we eft in to Judee.Select John 11:7

8The disciplis seien to hym, Maister, now the Jewis souyten for to stoone thee, and eft goist thou thidir?Select John 11:8

9Jhesus answerde, Whether ther ben not twelue ouris of the dai? If ony man wandre in the dai, he hirtith not, for he seeth the liyt of this world.Select John 11:9

10But if he wandre in the niyt, he stomblith, for liyt is not in him.Select John 11:10

11He seith these thingis, and aftir these thingis he seith to hem, Lazarus, oure freend, slepith, but Y go to reise hym fro sleep.Select John 11:11

12Therfor hise disciplis seiden, Lord, if he slepith, he schal be saaf.Select John 11:12

13But Jhesus hadde seid of his deth; but thei gessiden, that he seide of slepyng of sleep.Select John 11:13

14Thanne therfor Jhesus seide to hem opynli, Lazarus is deed;Select John 11:14

15and Y haue ioye for you, that ye bileue, for Y was not there; but go we to hym.Select John 11:15

16Therfor Thomas, that is seid Didymus, seide to euen disciplis, Go we also, that we dien with hym.Select John 11:16

17And so Jhesus cam, and foond hym hauynge thanne foure daies in the graue.Select John 11:17

18And Bethany was bisidis Jerusalem, as it were fiftene furlongis.Select John 11:18

19And many of the Jewis camen to Mary and Martha, to coumforte hem of her brothir.Select John 11:19

20Therfor as Martha herde, that Jhesu cam, sche ran to hym; but Mary sat at home.Select John 11:20

21Therfor Martha seide to Jhesu, Lord, if thou haddist be here, my brother hadde not be deed.Select John 11:21

22But now Y woot, that what euere thingis thou schalt axe of God, God schal yyue to thee.Select John 11:22

23Jhesus seith to hir, Thi brother schal rise ayen.Select John 11:23

24Martha seith to hym, Y woot, that he schal rise ayen in the ayen risyng in the laste dai.Select John 11:24

25Jhesus seith to hir, Y am ayen risyng and lijf; he that bileueth in me, yhe, thouy he be deed,Select John 11:25

26he schal lyue; and ech that lyueth, and bileueth in me, schal not die with outen ende. Bileuest thou this thing?Select John 11:26

27Sche seith to hym, Yhe, Lord, Y haue bileued, that thou art Crist, the sone of the lyuynge God, that hast come in to this world.Select John 11:27

28And whanne sche hadde seid this thing, sche wente, and clepide Marie, hir sistir, in silence, and seide, The maister cometh, and clepith thee.Select John 11:28

29Sche, as sche herd, aroos anoon, and cam to hym.Select John 11:29

30And Jhesus cam not yit `in to the castel, but he was yit in that place, where Martha hadde comun ayens hym.Select John 11:30

31Therfor the Jewis that weren with hir in the hous, and coumfortiden hir, whanne thei sayn Marie, that sche roos swithe, and wente out, thei sueden hir, and seiden, For sche goith to the graue, to wepe there.Select John 11:31

32But whanne Marie was comun where Jhesus was, sche seynge hym felde doun to his feet, and seide to hym, Lord, if thou haddist be here, my brother hadde not be deed.Select John 11:32

33And therfor whanne Jhesu saiy hir wepyng, and the Jewis wepynge that weren with hir, he `made noise in spirit, and troblide hym silf,Select John 11:33

34and seide, Where han ye leid hym? Thei seien to hym, Lord, come, and se.Select John 11:34

35And Jhesus wepte. Therfor the Jewis seiden,Select John 11:35

36Lo! hou he louede hym.Select John 11:36

37And summe of hem seiden, Whethir this man that openyde the iyen of the borun blynde man, myyte not make that this schulde not die?Select John 11:37

38Therfor Jhesus eft makynge noise in hym silf, cam to the graue. And there was a denne, and a stoon was leid theronne.Select John 11:38

39And Jhesus seith, Take ye awey the stoon. Martha, the sistir of hym that was deed, seith to hym, Lord, he stynkith now, for he hath leye foure daies.Select John 11:39

40Jhesus seith to hir, Haue Y not seid to thee, that if thou bileuest, thou schalt se the glorie of God?Select John 11:40

41Therfor thei token awei the stoon. And Jhesus lifte vp hise iyen, and seide, Fadir, Y do thankyngis to thee, for thou hast herd me; and Y wiste,Select John 11:41

42that thou euermore herist me, but for the puple that stondith aboute, Y seide, that thei bileue, that thou hast sent me.Select John 11:42

43Whanne he hadde seid these thingis, he criede with a greet vois, Lazarus, come thou forth.Select John 11:43

44And anoon he that was deed, cam out, boundun the hondis and feet with boondis, and his face boundun with a sudarie. And Jhesus seith to hem, Vnbynde ye hym, and suffre ye hym to go forth.Select John 11:44

45Therfor many of the Jewis that camen to Marie and Martha, and seyn what thingis Jhesus dide, bileueden in hym.Select John 11:45

46But summe of hem wente to the Farisees, and seiden to hem, what thingis Jhesus `hadde don.Select John 11:46

47Therfor the bischopis and the Farisees gadriden a counsel ayens Jhesu, and seiden, What do we? for this man doith many myraclis.Select John 11:47

48If we leeue hym thus, alle men schulen bileue in hym; and Romayns schulen come, and schulen take our place and oure folk.Select John 11:48

49But oon of hem, Cayfas bi name, whanne he was bischop of that yeer, seide to hem,Select John 11:49

50Ye witen nothing, ne thenken, that it spedith to you, that o man die for the puple, and that al the folc perische not.Select John 11:50

51But he seide not this thing of hym silf, but whanne he was bischop of that yeer, he prophesiede, that Jhesu was to die for the folc,Select John 11:51

52and not oneli for the folc, but that he schulde gadere in to oon the sones of God that weren scaterid.Select John 11:52

53Therfor fro that day thei souyten for to sle hym.Select John 11:53

54Therfor Jhesus walkide not thanne opynli among the Jewis; but he wente in to a cuntre bisidis desert, in to a citee, that is seid Effren, and there he dwellide with hise disciplis.Select John 11:54

55And the pask of the Jewis was niy, and many of the cuntrey wenten vp to Jerusalem bifor the pask, to halewe hem silf.Select John 11:55

56Therfor thei souyten Jhesu, and spaken togidere, stondynge in the temple, What gessen ye, for he cometh not to the feeste day? For the bischopis and Farisees hadden youun a maundement, that if ony man knowe where he is, that he schewe, that thei take hym.Select John 11:56