12John 12

1Therfor Jhesus bifor sixe daies of pask cam to Bethanye, where Lazarus hadde be deed, whom Jhesus reiside.Select John 12:1

2And thei maden to hym a soopere there, and Martha mynystride to hym; and Lazarus was oon of men that saten at the mete with hym.Select John 12:2

3Therfor Marie took a pound of oynement of trewe narde precious, and anoyntide the feet of Jhesu, and wipte hise feet with hir heeris; and the hous was fulfillid of the sauour of the oynement.Select John 12:3

4Therfor Judas Scarioth, oon of hise disciplis, that was to bitraye hym,Select John 12:4

5seide, Whi is not this oynement seeld for thre hundrid pens, and is youun to nedi men?Select John 12:5

6But he seide this thing, not for it perteynede to hym of nedi men, but for he was a theef, and he hadde the pursis, and bar tho thingis that weren sent.Select John 12:6

7Therfor Jhesus seide, Suffre ye hir, that in to the day of my biriyng sche kepe that;Select John 12:7

8for ye schulen euermore haue pore men with you, but ye schulen not euermore haue me.Select John 12:8

9Therfore myche puple of Jewis knew, that Jhesus was there; and thei camen, not oonli for Jhesu, but to se Lazarus, whom he hadde reisid fro deth.Select John 12:9

10But the princis of prestis thouyten to sle Lazarus,Select John 12:10

11for manye of the Jewis wenten awei for him, and bileueden in Jhesu.Select John 12:11

12But on the morew a myche puple, that cam togidere to the feeste dai, whanne thei hadden herd, that Jhesus cam to Jerusalem,Select John 12:12

13token braunchis of palmes, and camen forth ayens hym, and crieden, Osanna, blessid is the kyng of Israel, that cometh in the name of the Lord.Select John 12:13

14And Jhesus foond a yonge asse, and sat on hym,Select John 12:14

15as it is writun, The douytir of Syon, nyle thou drede; lo! thi kyng cometh, sittynge on `an asse fole.Select John 12:15

16Hise disciplis knewen not first these thingis, but whanne Jhesus was glorified, thanne thei hadden mynde, for these thingis weren writun of hym, and these thingis thei diden to hym.Select John 12:16

17Therfor the puple bar witnessyng, that was with hym, whanne he clepide Lazarus fro the graue, and reiside hym fro deth.Select John 12:17

18And therfor the puple cam, and mette with hym, for thei herden that he hadde don this signe.Select John 12:18

19Therfor the Farisees seiden to hem silf, Ye seen, that we profiten no thing; lo! al the world wente aftir hym.Select John 12:19

20And there weren summe hethene men, of hem that hadden come vp to worschipe in the feeste dai.Select John 12:20

21And these camen to Filip, that was of Bethsaida of Galilee, and preieden hym, and seiden, Sire, we wolen se Jhesu.Select John 12:21

22Filip cometh, and seith to Andrew; eft Andrew and Filip seiden to Jhesu.Select John 12:22

23And Jhesus answerde `to hem, and seide, The our cometh, that mannus sone be clarified.Select John 12:23

24Treuli, treuli, Y seie to you, but a corn of whete falle in to the erthe, and be deed, it dwellith aloone;Select John 12:24

25but if it be deed, it bryngith myche fruyt. He that loueth his lijf, schal leese it; and he that hatith his lijf in this world, kepith it in to euerlastynge lijf.Select John 12:25

26If ony man serue me, sue he me; and where Y am, there my mynystre schal be. If ony man serue me, my fadir schal worschipe hym.Select John 12:26

27Now my soule is troublid, and what schal Y seie? Fadir, saue me fro this our; but therfor Y cam in to this our;Select John 12:27

28fadir, clarifie thi name. And a vois cam fro heuene, and seide, And Y haue clarified, and eft Y schal clarifie.Select John 12:28

29Therfor the puple that stood, and herde, seide, that `thundur was maad; othere men seide, an aungel spak to hym.Select John 12:29

30Jhesus answerde, and seide, This vois cam not for me, but for you.Select John 12:30

31Now is the doom of the world, now the prince of this world schal be cast out.Select John 12:31

32And if Y schal be enhaunsid fro the erthe, Y schal drawe alle thingis to my silf.Select John 12:32

33And he seide this thing, signifiynge bi what deth he `was to die.Select John 12:33

34And the puple answeride to hym, We han herd of the lawe, that Crist dwellith with outen ende; and hou seist thou, It bihoueth mannys sone to be arerid?Select John 12:34

35Who is this mannus sone? And thanne Jhesus seith to hem, Yit a litil liyt is in you; walke ye, the while ye han liyt, that derknessis catche you not; he that wandrith in derknessis, woot nere whidur he goith.Select John 12:35

36While ye han liyt, bileue ye in liyt, that ye be the children of liyt. Jhesus spak these thingis, and wente, and hidde hym fro hem.Select John 12:36

37And whanne he hadde don so many myraclis bifor hem, thei bileueden not `in to hym;Select John 12:37

38that the word of Ysaie, the prophete, schulde be fulfillid, which he seide, Lord, who bileuede to oure heryng, and to whom is the arm of the Lord schewid?Select John 12:38

39Therfor thei myyten not bileue, for eft Ysaye seide,Select John 12:39

40He hath blyndid her iyen, and he hath maad hard the herte of hem, that thei se not with iyen, and vndurstonde with herte; and that thei be conuertid, and Y heele hem.Select John 12:40

41Ysaye seide these thingis, whanne he say the glorie of hym, and spak of hym.Select John 12:41

42Netheles `of the pryncis manye bileueden in hym, but for the Farisees thei knowlechiden not, that thei schulden not be put out of the synagoge;Select John 12:42

43for thei loueden the glorie of men, more than the glorie of God.Select John 12:43

44And Jhesus criede, and seide, He that bileueth in me, bileueth not in me, but in hym that sente me.Select John 12:44

45He that seeth me, seeth hym that sente me.Select John 12:45

46Y liyt cam in to the world, that ech that bileueth in me, dwelle not in derknessis.Select John 12:46

47And if ony man herith my words, and kepith hem, Y deme hym not; for Y cam not, that Y deme the world, but that Y make the world saaf.Select John 12:47

48He that dispisith me, and takith not my wordis, hath hym that schal iuge hym; thilke word that Y haue spokun, schal deme hym in the last dai.Select John 12:48

49For Y haue not spokun of my silf, but thilke fadir that sente me, yaf to me a maundement, what Y schal seie, and what Y schal speke.Select John 12:49

50And Y woot, that his maundement is euerlastynge lijf; therfor tho thingis that Y speke, as the fadir seide to me, so Y speke.Select John 12:50