4John 4

1Therfor as Jhesu knew, that the Farisees herden, that Jhesu makith and baptisith mo disciplis than Joon,Select John 4:1

2thouy Jhesus baptiside not, but hise disciplis, he lefte Judee,Select John 4:2

3and wente ayen in to Galilee.Select John 4:3

4And it bihofte hym to passe bi Samarie.Select John 4:4

5Therfor Jhesus cam in to a citee of Samarie, that is seid Sicar, bisidis the place, that Jacob yaf to Joseph, his sone.Select John 4:5

6And the welle of Jacob was there; and Jhesus was weri of the iourney, and sat thus vpon the welle. And the our was, as it were the sixte.Select John 4:6

7And a womman cam fro Samarie, to drawe watir. And Jhesus seith to hir, Yyue me drynk.Select John 4:7

8And hise disciplis weren gon in to the citee, to bie mete.Select John 4:8

9Therfor thilke womman of Samarie seith to him, Hou thou, `whanne thou art a Jewe, axist of me drynk, that am a womman of Samarie? for Jewis vsiden not to dele with Samaritans.Select John 4:9

10Jhesus answerde, and seide to hir, If thou wistist the yifte of God, and who `he is, that seith to thee, Yyue me drynk, thou perauenture woldist haue axid of hym, and he schulde haue youun to thee quyk watir.Select John 4:10

11The womman seith to him, Sire, thou hast not where ynne to drawe, and the pit is deep; wherof thanne hast thou quik watir?Select John 4:11

12Whethir thou art grettere than oure fadir Jacob, that yaf to vs the pit? and he drank therof, and hise sones, and hise beestis.Select John 4:12

13Jhesus answerde, and seide to hir, Eche man that drynkith of this watir, schal thirste efte soone; but he that drynkith of the watir that Y schal yyue hym, schal not thirste with outen ende; but the watir that Y schal yyue hym,Select John 4:13

14schal be maad in hym a welle `of watir, spryngynge vp in to euerlastynge lijf.Select John 4:14

15The womman seith to hym, Sire, yyue me this watir, that Y thirste not, nether come hidur to drawe.Select John 4:15

16Jhesus seith to hir, Go, clepe thin hosebonde, and come hidir.Select John 4:16

17The womman answerde, and seide, Y haue noon hosebonde. Jhesus seith to hir, Thou seidist wel, That Y haue noon hosebonde;Select John 4:17

18for thou hast hadde fyue hosebondis, and he that thou hast, is not thin hosebonde. This thing thou seidist sotheli.Select John 4:18

19The womman seith to hym, Lord, Y se, that thou art a prophete.Select John 4:19

20Oure fadris worschipiden in this hil, and ye seien, that at Jerusalem is a place, where it bihoueth to worschipe.Select John 4:20

21Jhesus seith to hir, Womman, bileue thou to me, for the our schal come, whanne nether in this hil, nethir in Jerusalem, ye schulen worschipe the fadir.Select John 4:21

22Ye worschipen that ye knowen not; we worschipen that that we knowen; for helthe is of the Jewis.Select John 4:22

23But the tyme is comun, and now it is, whanne trewe worschiperis schulen worschipe the fadir in spirit and treuthe; for also the fadir sekith suche, that worschipen hym.Select John 4:23

24God is a spirit, and it bihoueth hem that worschipen hym, to worschipe in spirit and treuthe.Select John 4:24

25The womman seith to hym, Y woot that Messias is comun, that is seid Crist; therfor whanne he cometh, he schal telle vs alle thingis.Select John 4:25

26Jhesus seith to hir, Y am he, that spekith with thee.Select John 4:26

27And anoon hise disciplis camen, and wondriden, that he spak with the womman; netheles no man seide to hym, What sekist thou, or, What spekist thou with hir?Select John 4:27

28Therfor the womman lefte hir watir pot, and wente in to the citee, and seide to tho men,Select John 4:28

29Come ye, and se ye a man, that seide to me alle thingis that Y haue don; whether he be Crist?Select John 4:29

30And thei wenten out of the citee, and camen to hym.Select John 4:30

31In the mene while hise disciplis preieden hym, and seiden, Maistir, ete.Select John 4:31

32But he seide to hem, Y haue mete to ete, that ye knowen not.Select John 4:32

33Therfor disciplis seiden togidir, Whether ony man hath brouyt him mete to ete?Select John 4:33

34Jhesus seith to hem, My mete is, that Y do the wille of hym that sente me, that Y perfourme the werk of hym.Select John 4:34

35Whether ye seien not, that yit foure monethis ben, and rype corn cometh? Lo! Y seie to you, lifte vp youre iyen, and se ye the feeldis, for now thei ben white to repe.Select John 4:35

36And he that repith takith hire, and gaderith fruyt in to euerlastynge lijf; that bothe he that sowith, and he that repith, haue ioye togidere.Select John 4:36

37In this thing is the word trewe, for anothir is that sowith, and anothir that repith.Select John 4:37

38Y sente you to repe, that that ye `haue not trauelid; `othere men han trauelid, and ye han entrid `in to her trauels.Select John 4:38

39And of that citee many Samaritans bileueden in hym, for the word of the womman, that bare witnessyng, That he seide to me alle thingis that Y haue don.Select John 4:39

40Therfor whanne Samaritans camen to hym, thei preieden hym to dwelle there; and he dwelte there twey daies.Select John 4:40

41And many mo bileueden for his word,Select John 4:41

42and seiden to the womman, That now not for thi speche we bileuen; for we han herd, and we witen, that this is verili the sauyour of the world.Select John 4:42

43And aftir twei daies he wente out fro thennus, and wente in to Galilee.Select John 4:43

44And he bar witnessyng, that a profete in his owne cuntre hath noon onour.Select John 4:44

45Therfor whanne he cam in to Galilee, men of Galilee resseyueden hym, whanne thei hadden seyn alle thingis that he hadde don in Jerusalem in the feeste dai; for also thei hadden comun to the feeste dai.Select John 4:45

46Therfor he cam eftsoone in to the Cane of Galile, where he made the watir wiyn. And `a litil kyng was, whos sone was sijk at Cafarnaum.Select John 4:46

47Whanne this hadde herd, that Jhesu schulde come fro Judee in to Galilee, he wente to hym, and preiede hym, that he schulde come doun, and heele his sone; for he bigan to die.Select John 4:47

48Therfor Jhesus seide to him, But ye se tokenes and grete wondris, ye bileuen not.Select John 4:48

49The litil kyng seith to hym, Lord, come doun, bifor that my sone die.Select John 4:49

50Jhesus seith to hym, Go, thi sone lyueth. The man bileuede to the word, that Jhesus seide to hym, and he wente.Select John 4:50

51And now whanne he cam doun, the seruauntis camen ayens hym, and telden to hym, and seiden, That his sone lyuede.Select John 4:51

52And he axide of hem the our, in which he was amendid. And thei seiden to hym, For yistirdai in the seuenthe our the feuer lefte him.Select John 4:52

53Therfor the fadir knewe, that thilke our it was, in which Jhesus seide to hym, Thi sone lyueth; and he bileuede, and al his hous.Select John 4:53

54Jhesus dide eft this secounde tokene, whanne he cam fro Judee in to Galilee.Select John 4:54