13Leviticus 13

1The Lord spak to Moyses and Aaron, and seide,Select Leviticus 13:1

2A man in whos skyn and fleisch rysith dyuerse colour, ether whelke, ethir as `sum schynynge thing, that is, a wounde of lepre, he schal be brouyt to Aaron preest, ether to oon `who euer of hise sones;Select Leviticus 13:2

3and whanne he seeth lepre in the skyn, and the heeris chaungide in to whijte colour, and that spice of lepre lowere than the tother skyn and fleisch, it is a wounde of lepre, and he schal be departid at the `doom of the preest.Select Leviticus 13:3

4Sotheli if schynyng whijtnesse is in the skyn, nethir is lower than the tother fleisch, and the heeris ben of the formere colour, the preest schal close hym seuene daies;Select Leviticus 13:4

5and schal biholde hym in the seuenthe dai, and sotheli if the lepre wexith not ferther, nethir passith the formere termes in the fleisch, eft the preest schal close hym ayen seuene other daies;Select Leviticus 13:5

6and schal biholde in the seuenthe day, if the lepre is derkere, and wexith not in the fleisch, the preest schal clense hym , for it is a scabbe; and the man schal waische hise clothis, and he schal be clene.Select Leviticus 13:6

7That if the lepre wexith eft, aftir that he is seyn of the preest, and is yoldun to clennesse, he schal be brouyt to the preest, and schal be demed of vnclennesse.Select Leviticus 13:7

8If the wounde of lepre is in man, he schal be brouyt to the preest, and he schal se the man;Select Leviticus 13:8

9and whanne whijt colour is in the fleisch, and chaungith the siyt of heeris , and thilke fleisch apperith quyk,Select Leviticus 13:9

10it schal be demid eldest lepre, and growun to the skyn; therfor the preest schal defoule hym ,Select Leviticus 13:10

11and he schal not close eft, for it is of opyn vnclennesse.Select Leviticus 13:11

12But if lepre rennynge about in the skyn `flourith out, and hilith al the fleisch, fro the heed til to the feet, what euer thing fallith vndur the siyt of iyen; the preest schal biholde hym,Select Leviticus 13:12

13and schal deme `that he is holdun with clenneste lepre, for all the skyn is turned in to whijtnesse, and therfor the man schal be cleene.Select Leviticus 13:13

14Sotheli whanne quyk fleisch apperith in hym,Select Leviticus 13:14

15thanne he schal be defoulid bi the doom of the preest, and he schal be arettid among vncleene men; for quyk fleisch is vnclene, if it is spreynt with lepre.Select Leviticus 13:15

16That if the fleisch is turned eft in to whijtnesse, and hilith al the man,Select Leviticus 13:16

17the preest schal biholde hym, and schal deme, that he is cleene.Select Leviticus 13:17

18Fleisch and skyn, in which a botche is bred,Select Leviticus 13:18

19and is heelid, and `a step of wounde apperith whijt, ethir `sum deel reed, `in the place of the botche, the man schal be brouyt to the preest;Select Leviticus 13:19

20and whanne the preest seeth the place of lepre lowere than the tother fleisch, and the heeris turned in to whijtnesse, the preest schal defoule hym ; for the wounde of lepre is bred in the botche.Select Leviticus 13:20

21That if the heer is of the former colour, and the signe of wounde is sumdeel derk, and is not lowere than the `nyy fleisch, the preest schal close the man seuene daies;Select Leviticus 13:21

22and sotheli, if it wexith, the preest schal deme the man of lepre;Select Leviticus 13:22

23forsothe if it stondith in his place, it is a signe of botche, and the man schal be cleene.Select Leviticus 13:23

24Fleisch and skyn, which the fier hath brent, and is heelid, and hath a whijt ethir reed `signe of wounde,Select Leviticus 13:24

25the preest schal biholde it, and lo! if it is turned in to whijtnesse, and the place therof is lowere than the tothir skyn, the preest schal defoule the man, for a wounde of lepre is bred in the `signe of wounde.Select Leviticus 13:25

26That if the colour of heeris is not chaungid, nether the wounde is lowere than the tother fleisch, and thilke spice of lepre is sumdeel derk, the preest schal close the man bi seuene daies;Select Leviticus 13:26

27and in the seuenthe dai he schal biholde; if the lepre wexith in the fleisch, the preest schal defoule the man;Select Leviticus 13:27

28ellis if the whijtnesse stondith in his place, and is not cleer ynow, it is a wounde of brennyng, and therfor the man schal be clensid, for it is a signe of brennyng.Select Leviticus 13:28

29A man ethir womman, in whos heed ether beerd lepre buriounneth, the preest schal se hem;Select Leviticus 13:29

30and if the place is lowere than the tothir fleisch, and the heer is whijt, `and is sotilere, `ether smallere, than it is wont, the preest schal defoule hem, for it is lepre of the heed, and of the beerd.Select Leviticus 13:30

31Ellis if he seeth the place of wem euene with the nyy fleisch, and seeth the here blak, the preest schal close hem bi seuene daies, and schal se in the seuenthe dai;Select Leviticus 13:31

32if the wem waxith not, and the heer is of his colour, and the place of wounde is euene with the tother fleisch,Select Leviticus 13:32

33the man schal be schauun, without the place of wem, and he schal be closid eft bi seuene othere daies.Select Leviticus 13:33

34If in the seuenthe day the wounde is seyn to haue stonde in his place, nether is lowere than the tother fleisch, the preest schal clense the man; and whanne his clothis ben waischun, he schal be cleene.Select Leviticus 13:34

35Ellis if aftir the clensyng a spotte wexith eft in the skyn,Select Leviticus 13:35

36the preest schal no more enquere, whether the heer is chaungid in to whijt colour, for apeertli he is vncleene.Select Leviticus 13:36

37Sotheli if the spotte stondith, and the heeris ben blake, knowe the preest that the man is heelid, and tristili `pronounce he the man cleene.Select Leviticus 13:37

38A man ethir a womman, in whos skyn whijtnesse apperith, the preest schal biholde hem;Select Leviticus 13:38

39if he perseyueth, that whijtnesse `sum deel derk schyneth in the skyn, wite he, that it is no lepre, but a spotte of whijt colour, and that the man is cleene.Select Leviticus 13:39

40A man of whos heed heeris fleten awei, is calu, and clene;Select Leviticus 13:40

41and if heeris fallen fro the forheed, he is ballid,Select Leviticus 13:41

42and is cleene; ellis if in the ballidnesse bifore, ether in the ballidnesse bihynde, whijt ether reed colour is bred, and the preest seeth this,Select Leviticus 13:42

43he schal condempne the man without doute of lepre, which is bred in the ballidnesse.Select Leviticus 13:43

44Therfor whoeuer is defoulid with lepre, and is departid at the doom of the preest,Select Leviticus 13:44

45he schal haue hise clothis vnsewid, bareheed, the mouth hilid with a cloth, he schal crye hym silf defoulid, and viyl;Select Leviticus 13:45

46in al tyme in which he is lepre and vnclene, he schal dwelle aloone without the castels.Select Leviticus 13:46

47A wollun cloth, ethir lynnun, that hath lepre in the warp,Select Leviticus 13:47

48ethir oof, ethir certis a skyn, ether what euer thing is maad of skiyn,Select Leviticus 13:48

49if it is corrupt with a whijt spotte, ethir reed, it schal be arettid lepre, and it schal be schewid to the preest;Select Leviticus 13:49

50which schal close it biholden bi seuene daies.Select Leviticus 13:50

51And eft he schal biholde in the seuenthe dai, and if he perseyueth, that it wexide, it schal be contynuel lepre; he schal deme the cloth defoulid, and al thing in which it is foundun;Select Leviticus 13:51

52and therfor the cloth schal be brent in flawmes.Select Leviticus 13:52

53That if he seeth that the spotte wexide not, he schal comaunde,Select Leviticus 13:53

54and thei schulen waische that thing wherynne the lepre is, and he schal close it ayen bi seuene othere daies;Select Leviticus 13:54

55and whanne he seeth the formere face not turned ayen, netheles that nether the lepre wexede, he schal deme that thing vnclene, and he schal brenne it in fier, for lepre is sched in the ouer part of the cloth, ether thorouy al.Select Leviticus 13:55

56Ellis if the `place of lepre is derkere, aftir that the cloth is waischun, he schal breke awey that place, and schal departe fro the hool.Select Leviticus 13:56

57That if fleynge lepre and vnstidefast apperith ferthermore in these places, that weren vnwemmed bifore, it owith be brent in fier; if it ceessith,Select Leviticus 13:57

58he schal waische the secounde tyme tho thingis that ben cleene, and tho schulen be cleene.Select Leviticus 13:58

59This is the lawe of lepre of cloth, wollun and lynnun, of warp and of oof, and of al purtenaunce of skiyn, hou it owith to be clensyd, ethir `to be defoulid.Select Leviticus 13:59