5Leviticus 5

1If a soule synneth, and hereth the vois of a swerere , and is witnesse, `for ether he siy, ether `is witynge, if he schewith not, he schal bere his synne.Select Leviticus 5:1

2A persone that touchith ony vnclene thing, ether which is slayn of a beeste, ether is deed bi it silf, ether touchith ony other crepynge beeste, and foryetith his vnclennesse, he is gilti, and trespassith.Select Leviticus 5:2

3And if he touchith ony thing of the vnclennesse of man, bi al the vnclennesse bi which he is wont to be defoulid, and he foryetith, and knowith afterward, he schal be suget to trespas.Select Leviticus 5:3

4A soule that swerith, and bryngith forth with hise lippis, that it schulde do ether yuel, ether wel, and doith not, and confermeth the same thing with an ooth, ethir with a word, and foryetith, and aftirward vndirstondith his trespas, do it penaunce for synne,Select Leviticus 5:4

5and offre it of the flockis a femal lomb, ethir a goet;Select Leviticus 5:5

6and the preest schal preie for hym, and for his synne.Select Leviticus 5:6

7But if he may not offre a beeste, offre he twei turtlis, ethir `briddis of culuers to the Lord, oon for synne, and the tother in to brent sacrifice.Select Leviticus 5:7

8And he schal yyue tho to the preest, which schal offre the firste for synne, and schal folde ayen the heed therof to the wengis, so that it cleue to the necke, and be not `brokyn outirli.Select Leviticus 5:8

9And the preest schal sprynge the wal of the auter, of the blood therof; sotheli what euer `is residue, he schal make to droppe doun at the `foundement of the auter, for it is for synne.Select Leviticus 5:9

10Sotheli he schal brenne the tother brid in to brent sacrifice, as it is wont to be doon; and the preest schal preie for hym, and for his synne, and it schal be foryouun to hym.Select Leviticus 5:10

11That if his hond mai not offre twei turtlis, ethir twei `briddis of culueris, he schal offre for his synne the tenthe part of ephi of wheete flour; he schal not putte oile `in to it, nether he schal putte ony thing of encense, for it is for synne.Select Leviticus 5:11

12And he schal yyue it to the preest, which preest schal take vp an handful therof, and schal brenne on the auter, in to mynde of hym that offeride,Select Leviticus 5:12

13and the preest schal preie for hym, and schal clense; forsothe he schal have the tother part in yifte.Select Leviticus 5:13

14And the Lord spak to Moises,Select Leviticus 5:14

15and seide, If a soule brekith cerymonyes bi errour, and synneth in these thingis that ben halewid to the Lord, it schal offre for his trespas a ram without wem of the flockis, that may be bouyt for twey siclis, bi the weiyte of the seyntuarie.Select Leviticus 5:15

16And he schal restore that harm that he dide, and he schal putte the fyuethe part aboue, and schal yyue to the preest, which preest schal preye for hym, and offre the ram, and it schal be foryouun to hym.Select Leviticus 5:16

17A soule that synneth bi ignoraunce, and doith oon of these thingis that ben forbodun in the lawe of the Lord, and is gilti of synne, and vndirstondith his wickidnesse,Select Leviticus 5:17

18it schal offre to the preest a ram without wem of the flockis, bi the mesure of estymacioun of synne; and the preest schal preye for hym, for he dide vnwytynge, and it schal be foryouun to him,Select Leviticus 5:18

19for by errour he trespasside ayens the Lord.Select Leviticus 5:19