9Leviticus 9

1Forsothe whanne the eiytithe dai was maad, Moises clepide Aaron, and hise sones, and the grettere men in birthe of Israel;Select Leviticus 9:1

2and he seide to Aaron, Take thou of the droue a calf for synne, and a ram `in to brent sacrifice, euer either with oute wem, and offre tho bifor the Lord.Select Leviticus 9:2

3And thou schalt speke to the sones of Israel, Take ye a buk of geet for synne, and a calf, and a lomb of o yeer and with out wem,Select Leviticus 9:3

4in to brent sacrifice, an oxe and a ram for pesible thingis; and offre ye tho bifor the Lord, and offre ye whete flour spreynt with oile in the sacrifice of ech; for to dai the Lord schal appere to you.Select Leviticus 9:4

5Therfor thei token alle thingis, whiche Moises comaundide, to the dore of the tabernacle, where, whanne al the multitude stood,Select Leviticus 9:5

6Moises seide, This is the word, which the Lord comaundide, do ye, and his glorie schal appere to you.Select Leviticus 9:6

7And Moises seide to Aaron, Neiye thou to the auter, and offre thou for thi synne; offre thou brent sacrifice, and preye for thee, and for the puple; and whanne thou hast slayn the sacrifice of the puple, preye thou for hem, as the Lord comaundide.Select Leviticus 9:7

8And anoon Aaron neiyede to the auter, and offride a calf for his synne;Select Leviticus 9:8

9whos blood hise sones offriden to him, in which blood he dippide the fyngur, and touchide the hornes of the auter , and schedde the residue at the foundement therof;Select Leviticus 9:9

10and he brente on the auter the ynnere fatnesse, and litle reynes, and the calle of the mawe, as the Lord comaundide to Moises.Select Leviticus 9:10

11Forsothe he brente bi fier without the castels the fleischis and skyn therof.Select Leviticus 9:11

12And he offride the beeste of brent sacrifice, and hise sones offriden to hym the blood therof, which he schedde bi the cumpas of the auter;Select Leviticus 9:12

13thei offriden also thilke sacrifice kit in to gobetis, with the heed, and alle membris; and he brente bi fier alle these thingis on the auter,Select Leviticus 9:13

14whanne the entrailis and feet weren waischun bifor with watir.Select Leviticus 9:14

15And he offride and killide a buk of geet, for the synne of the puple; and whanne the auter was clensid,Select Leviticus 9:15

16he made brent sacrifice,Select Leviticus 9:16

17and addide in to the sacrifice fletynge offryngis that ben offrid togidere; and he brente tho on the auter, without cerymonyes of brent sacrifice of the morewtid.Select Leviticus 9:17

18He offride also an oxe, and a ram, pesible sacrifices of the puple; and hise sones offriden to hym the blood, which he schedde bi the cumpas of the auter.Select Leviticus 9:18

19Forsothe thei puttiden on the brestis the ynnere fatnesse of the oxe, and the tail of the ram, and the litle reynes with her fatnessis, and the calle of the mawe.Select Leviticus 9:19

20And whanne the ynnere fatnessis weren brent in the auter,Select Leviticus 9:20

21Aaron departide the brestis, and the riyt schuldris of tho, and reiside bifor the Lord, as Moises comaundide.Select Leviticus 9:21

22And he streiyte forth hondis to the puple, and blesside it; and so whanne the sacrifices for synne, and brent sacrifices, and pesible sacrifices, weren fillid, he cam doun.Select Leviticus 9:22

23Sotheli Moyses and Aaron entriden in to the tabernacle of witnessyng, and yeden out aftirward, and blessiden the puple; and the glorie of the Lord apperide to al the multitude.Select Leviticus 9:23

24And lo! fier yede out fro the Lord, and deuouride the brent sacrifice, and the ynnere fatnesses that weren on the auter; and whanne the cumpanyes hadden seyn this thing, thei preiseden the Lord, `and felden on her faces.Select Leviticus 9:24