21Luke 21

1And he biheeld, and saye tho riche men, that casten her yiftis in to the treserie;Select Luke 21:1

2but he saye also a litil pore widewe castynge twei ferthingis.Select Luke 21:2

3And he seide, Treuli Y seie to you, that this pore widewe keste more than alle men.Select Luke 21:3

4For whi alle these of thing that was plenteuouse to hem casten in to the yiftis of God; but this widewe of that thing that failide to hir, caste al hir liflode, that sche hadde.Select Luke 21:4

5And whanne sum men seiden of the temple, that it was apparailid with gode stoonus and yiftis,Select Luke 21:5

6he seide, These thingis that ye seen, daies schulen come, in whiche a stoon schal not be left on a stoon, which schal not be destried.Select Luke 21:6

7And thei axiden hym, and seiden, Comaundour, whanne schulen these thingis be? and what tokne schal be, whanne thei schulen bigynne to be don?Select Luke 21:7

8And he seide, Se ye, that ye be not disseyued; for many schulen come in my name, seiynge, For Y am, and the tyme schal neiye; therfor nyle ye go aftir hem.Select Luke 21:8

9And whanne ye schulen here batailis and stryues with ynne, nyle ye be aferd; it bihoueth first these thingis to be don, but not yit anoon is an ende.Select Luke 21:9

10Thanne he seide to hem, Folk schal rise ayens folk, and rewme ayens rewme;Select Luke 21:10

11grete mouyngis of erthe schulen be bi placis, and pestilencis, and hungris, and dredis fro heuene, and grete tokenes schulen be.Select Luke 21:11

12But bifore alle these thingis thei schulen sette her hoondis on you, and schulen pursue, bitakynge in to synagogis and kepyngis, drawynge to kyngis and to iusticis, for my name;Select Luke 21:12

13but it schal falle to you in to witnessyng.Select Luke 21:13

14Therfor putte ye in youre hertis, not to thenke bifore, hou ye schulen answere; for Y schal yyue to you mouth and wisdom,Select Luke 21:14

15to whiche alle youre aduersaries schulen not mowe ayenstonde, and ayenseie.Select Luke 21:15

16And ye schulen be takun of fadir, and modir, and britheren, and cosyns, and freendis, and bi deeth thei schulen turmente of you;Select Luke 21:16

17and ye schulen be in haate to alle men for my name.Select Luke 21:17

18And an heere of youre heed schal not perische;Select Luke 21:18

19in youre pacience ye schulen welde youre soulis.Select Luke 21:19

20But whanne ye schulen se Jerusalem ben enuyround with an oost, thanne wite ye, that the desolacioun of it schal neiye.Select Luke 21:20

21Thanne thei that ben in Judee, fle to the mountans; and thei that ben in the mydil of it, gon awei; and thei that ben in the cuntreis, entre not in to it.Select Luke 21:21

22For these ben daies of veniaunce, that alle thingis that ben writun, be fulfillid.Select Luke 21:22

23And wo to hem, that ben with child, and norischen in tho daies; for a greet diseese schal be on the erthe, and wraththe to this puple.Select Luke 21:23

24And thei schulen falle bi the scharpnesse of swerd, and thei schulen be led prisoneris in to alle folkis; and Jerusalem schal be defoulid of hethene men, til the tymes of naciouns be fulfillid.Select Luke 21:24

25And tokenes schulen be in the sunne, and the mone, and in the sterris; and in the erthe ouerleiyng of folkis, for confusioun of sown of the see and of floodis;Select Luke 21:25

26for men schulen wexe drye for drede and abidyng that schulen come to al the world; for vertues of heuenes schulen be mouyd.Select Luke 21:26

27And thanne thei schulen se mannys sone comynge in a cloude, with greet power and maieste.Select Luke 21:27

28And whanne these thingis bigynnen to be maad, biholde ye, and reise ye youre heedis, for youre redempcioun neiyeth.Select Luke 21:28

29And he seide to hem a liknesse, Se ye the fige tre, and alle trees,Select Luke 21:29

30whanne thei bryngen forth now of hem silf fruyt, ye witen that somer is nyy;Select Luke 21:30

31so ye, whanne ye seen these thingis to be don, wite ye, that the kyngdom of God is nyy.Select Luke 21:31

32Treuli Y seie to you, that this generacioun schal not passe, til alle thingis be don.Select Luke 21:32

33Heuene and erthe schulen passe, but my wordis schulen not passe.Select Luke 21:33

34But take ye heede to you silf, lest perauenture youre hertis be greuyd with glotony, and drunkenesse, and bisynessis of this lijf, and thilke dai come sodein on you; for as a snare it schal come on alle men,Select Luke 21:34

35that sitten on the face of al erthe.Select Luke 21:35

36Therfor wake ye, preiynge in ech tyme, that ye be hadde worthi to fle alle these thingis that ben to come, and to stonde bifor mannus sone.Select Luke 21:36

37And in daies he was techynge in the temple, but in nyytis he yede out, and dwellide in the mount, that is clepid of Olyuet.Select Luke 21:37

38And al the puple roos eerli, to come to hym in the temple, and to here hym.Select Luke 21:38