23Luke 23

1And al the multitude of hem arysen, and ledden hym to Pilat.Select Luke 23:1

2And thei bigunnen to accuse hym, and seiden, We han foundun this turnynge vpsodoun oure folk, and forbedynge tributis to be youun to the emperour, and seiynge that hym silf is Crist and kyng.Select Luke 23:2

3And Pilat axide hym, and seide, Art thou kyng of Jewis? And he answeride, and seide, Thou seist.Select Luke 23:3

4And Pilat seide to the princis of prestis, and to the puple, Y fynde no thing of cause in this man.Select Luke 23:4

5And thei woxen stronger, and seiden, He moueth the puple, techynge thorou al Judee, bigynnynge fro Galile til hidir.Select Luke 23:5

6And Pilat herynge Galile axide, if he were a man of Galile.Select Luke 23:6

7And whanne he knewe that he was of the powere of Eroude, he sente hym to Eroude; which was at Jerusalem in tho daies.Select Luke 23:7

8And whanne Eroude siy Jhesu, he ioyede ful myche; for long tyme he coueitide to se hym, for he herde many thingis of hym, and hopide to see sum tokene `to be don of hym.Select Luke 23:8

9And he axide hym in many wordis; and he answeride no thing to hym.Select Luke 23:9

10And the princis of preestis and the scribis stoden, stidfastli accusynge hym.Select Luke 23:10

11But Eroude with his oost dispiside hym, and scornede hym, and clothide with a white cloth, and sente hym ayen to Pilat.Select Luke 23:11

12And Eroude and Pilat weren maad freendis fro that dai; for bifor thei weren enemyes togidre.Select Luke 23:12

13And Pilat clepide togider the princis of prestis and the maiestratis of the puple, and seide to hem,Select Luke 23:13

14Ye han brouyt to me this man, as turnynge awey the puple, and lo! Y axynge bifor you fynde no cause in this man of these thingis, in whiche ye accusen hym;Select Luke 23:14

15nether Eroude, for he hath sent hym ayen to vs, and lo! no thing worthi of deth is don to hym.Select Luke 23:15

16And therfor Y schal amende hym, and delyuere hym.Select Luke 23:16

17But he moste nede delyuer to hem oon bi the feest dai.Select Luke 23:17

18And al the puple criede togidir, and seide, Do `awei hym, and delyuer to vs Barabas;Select Luke 23:18

19which was sent `in to prisoun for disturblyng maad in the cite, and for mansleynge.Select Luke 23:19

20And eftsoone Pilat spak to hem, and wolde delyuer Jhesu.Select Luke 23:20

21And thei vndurcrieden, and seiden, Crucifie, crucifie hym.Select Luke 23:21

22And the thridde tyme he seide to hem, For what yuel hath this don? Y fynde no cause of deeth in hym; therfor Y schal chastise hym, and Y schal delyuer.Select Luke 23:22

23And thei contynueden with greet voicis axynge, that he schulde be crucified; and the voicis of hem woxen stronge.Select Luke 23:23

24And Pilat demyde her axyng to be don.Select Luke 23:24

25And he delyueride to hem hym, that for mansleyng and sedicioun was sent in to prisoun, whom thei axiden; but he bitook Jhesu to her wille.Select Luke 23:25

26And whanne thei ledden hym, thei token a man, Symon of Syrenen, comynge fro the toun, and thei leiden on hym the cross to bere aftir Jhesu.Select Luke 23:26

27And there suede hym myche puple, and wymmen that weiliden, and bymorneden hym.Select Luke 23:27

28And Jhesus turnede to hem, and seide, Douytris of Jerusalem, nyle ye wepe on me, but wepe ye on youre silf and on youre sones.Select Luke 23:28

29For lo! daies schulen come, in whiche it schal be seid, Blessid be bareyn wymmen, and wombis that han not borun children, and the tetis that han not youun souke.Select Luke 23:29

30Thanne thei schulen bigynne to seie to mounteyns, Falle ye doun on vs, and to smale hillis, Keuere ye vs.Select Luke 23:30

31For if in a greene tre thei don these thingis, what schal be don in a drie?Select Luke 23:31

32Also othere twei wickid men weren led with hym, to be slayn.Select Luke 23:32

33And `aftir that thei camen in to a place, that is clepid of Caluerie, there thei crucifieden hym, and the theues, oon on the riyt half, and `the tother on the left half.Select Luke 23:33

34But Jhesus seide, Fadir, foryyue hem, for thei witen not what thei doon.Select Luke 23:34

35And thei departiden his clothis, and kesten lottis. And the puple stood abidynge; and the princis scorneden hym with hem, and seiden, Othere men he maad saaf; make he hym silf saaf, if this be Crist, the chosun of God.Select Luke 23:35

36And the knyytis neiyeden, and scorneden hym, and profreden vynegre to hym,Select Luke 23:36

37and seiden, If thou art king of Jewis, make thee saaf.Select Luke 23:37

38And the superscripcioun was writun ouer hym with Greke lettris, and of Latyn, and of Ebreu, This is the kyng of Jewis.Select Luke 23:38

39And oon of these theues that hangiden, blasfemyde hym, and seide, If thou art Crist, make thi silf saaf and vs.Select Luke 23:39

40But `the tothir answerynge, blamyde hym, and seide, Nether thou dredist God, that art in the same dampnacioun?Select Luke 23:40

41And treuli we iustli, for we han resseiued worthi thingis to werkis; but this dide no thing of yuel.Select Luke 23:41

42And he seide to Jhesu, Lord, haue mynde of me, whanne thou comest `in to thi kyngdom.Select Luke 23:42

43And Jhesus seide to hym, Treuli Y seie to thee, this dai thou schalt be with me in paradise.Select Luke 23:43

44And it was almest the sixte our, and derknessis weren maad in al the erthe `in to the nynthe our.Select Luke 23:44

45And the sun was maad derk, and the veile of the temple was to-rent atwo.Select Luke 23:45

46And Jhesus criynge with a greet vois, seide, Fadir, in to thin hoondis Y bitake my spirit. And he seiynge these thingis, yaf vp the goost.Select Luke 23:46

47And the centurien seynge that thing that was don, glorifiede God, and seide, Verili this man was iust.Select Luke 23:47

48And al the puple of hem that weren there togidir at this spectacle, and sayn tho thingis that weren don, smyten her brestis, and turneden ayen.Select Luke 23:48

49But alle his knowun stoden afer, and wymmen that sueden hym fro Galile, seynge these thingis.Select Luke 23:49

50And lo! a man, Joseph bi name, of Aramathie, a cite of Judee, that was a decurien, a good man and a iust,Select Luke 23:50

51this man concentide not to the counseil and to the dedis of hem; and he abood the kyngdom of God.Select Luke 23:51

52This Joseph cam to Pilat, and axide the bodi of Jhesu,Select Luke 23:52

53and took it doun, and wlappide it in a cleene lynen cloth, and leide hym in a graue hewun, in which not yit ony man hadde be leid.Select Luke 23:53

54And the dai was the euen of the halidai, and the sabat bigan to schyne.Select Luke 23:54

55And the wymmen suynge, that camen with hym fro Galile, sayn the graue, and hou his bodi was leid.Select Luke 23:55

56And thei turneden ayen, and maden redi swete smellynge spicis, and oynementis; but in the sabat thei restiden, aftir the comaundement.Select Luke 23:56