24Matthew 24

1And Jhesus wente out of the temple; and his disciplis camen to hym, to schewe hym the bildyngis of the temple.Select Matthew 24:1

2But he answeride, and seide to hem, Seen ye alle these thingis? Treuli Y seie to you, a stoon schal not be left here on a stoon, that ne it schal be destried.Select Matthew 24:2

3And whanne he satte on the hille of Olyuete, hise disciplis camen to hym priueli, and seiden, Seie vs, whanne these thingis schulen be, and what token of thi comyng, and of the ending of the world.Select Matthew 24:3

4And Jhesus answeride, and seide to hem, Loke ye, that no man disseyue you.Select Matthew 24:4

5For many schulen come in my name, and schulen seie, Y am Crist; and thei schulen disseyue manye.Select Matthew 24:5

6For ye schulen here batels, and opyniouns of batels; se ye that ye be not disturblid; for it byhoueth these thingis to be don, but not yit is the ende.Select Matthew 24:6

7Folk schal rise togidere ayens folc, and rewme ayens rewme, and pestilences, and hungris, and the erthemouyngis schulen be bi placis;Select Matthew 24:7

8and alle these ben bigynnyngis of sorewes.Select Matthew 24:8

9Thanne men schulen bitake you in to tribulacion, and schulen sle you, and ye schulen be in hate to alle folk for my name.Select Matthew 24:9

10And thanne many schulen be sclaundrid, and bitraye ech other, and thei schulen hate ech other.Select Matthew 24:10

11And many false prophetis schulen rise, and disseyue manye.Select Matthew 24:11

12And for wickidnesse schal `be plenteuouse, the charite of manye schal wexe coold;Select Matthew 24:12

13but he that schal dwelle stable in to the ende, schal be saaf.Select Matthew 24:13

14And this gospel of the kyngdom schal be prechid in al the world, in witnessyng to al folc;Select Matthew 24:14

15and thanne the ende schal come. Therfor whanne ye se the abhomynacioun of discomfort, that is seid of Danyel, the prophete, stondynge in the hooli place; he that redith, vndirstonde he;Select Matthew 24:15

16thanne thei that ben in Judee, fle to the mounteyns; and he that is in the hous roof,Select Matthew 24:16

17come not doun to take ony thing of his hous; and he that is in the feeld,Select Matthew 24:17

18turne not ayen to take his coote.Select Matthew 24:18

19But wo to hem that ben with child, and nurischen in tho daies.Select Matthew 24:19

20Preye ye, that youre fleyng be not maad in wynter, or in the saboth.Select Matthew 24:20

21For thanne schal be greet tribulacioun, what maner `was not fro the bigynnyng of the world to now, nether schal be maad.Select Matthew 24:21

22And but tho daies hadden be abreggide, ech flesch schulde not be maad saaf; but tho daies schulen be maad schort, for the chosun men.Select Matthew 24:22

23Thanne if ony man seie to you, Lo! here is Crist, or there, nyle ye bileue.Select Matthew 24:23

24For false Cristis and false prophetis schulen rise, and thei schulen yyue grete tokenes and wondrys; so that also the chosun be led in to erroure, if it may be done.Select Matthew 24:24

25Lo! Y haue bifor seid to you.Select Matthew 24:25

26Therfor if thei seie to you, Lo! he is in desert, nyle ye go out; lo! in priuey placis, nyle ye trowe.Select Matthew 24:26

27For as leit goith out fro the eest, and apperith in to the weste, so schal be also the coming of mannus sone.Select Matthew 24:27

28Where euer the bodi schal be, also the eglis schulen be gaderid thidur.Select Matthew 24:28

29And anoon after the tribulacioun of tho daies, the sunne schal be maad derk, and the moone schal not yyue hir liyt, and the sterris schulen falle fro heuene, and the vertues of heuenes schulen be moued.Select Matthew 24:29

30And thanne the tokene of mannus sone schal appere in heuene, and thanne alle kynredis of the erthe schulen weile; and thei schulen see mannus sone comynge in the cloudis of heuene, with miche vertu and maieste.Select Matthew 24:30

31And he schal sende hise aungels with a trumpe, and a greet vois; and thei schulen gedere hise chosun fro foure wyndis, fro the hiyest thingis of heuenes to the endis of hem.Select Matthew 24:31

32And lerne ye the parable of a fige tre. Whanne his braunche is now tendir, and the leeues ben sprongun, ye witen that somer is nyy;Select Matthew 24:32

33`so and ye whanne ye seen alle these thingis, wite ye that it is nyy, in the yatis.Select Matthew 24:33

34Treuli Y seie to you, for this generacioun schal not passe, til alle thingis be don;Select Matthew 24:34

35heuene and erthe schulen passe, but my wordis schulen not passe.Select Matthew 24:35

36But of thilke dai and our no man wote, nethir aungels of heuenes, but the fadir aloone.Select Matthew 24:36

37But as it was in the daies of Noe, so schal be the comyng of mannus sone.Select Matthew 24:37

38For as in the daies bifore the greet flood, thei weren etynge and drynkynge, weddynge and takynge to weddyng, to that dai, that Noe entride in to the schippe;Select Matthew 24:38

39and thei knewen not, til the greet flood cam, and took alle men, so schal be the comyng of mannus sone.Select Matthew 24:39

40Thanne tweyne schulen be in o feeld, oon schal be takun, and another left;Select Matthew 24:40

41twey wymmen schulen be gryndynge in o queerne, oon schal be takun, and `the tother left; tweyn in a bedde, `the toon schal be takun, and the tother left.Select Matthew 24:41

42Therfor wake ye, for ye witen not in what our the Lord schal come.Select Matthew 24:42

43But wite ye this, that if the hosebonde man wiste in what our the thefe were to come, certis he wolde wake, and suffre not his hous to be vndurmyned.Select Matthew 24:43

44And therfor be ye redi, for in what our ye gessen not, mannus sone schal come.Select Matthew 24:44

45Who gessist thou is a trewe seruaunt and prudent, whom his lord ordeyned on his meynee, to yyue hem mete in tyme?Select Matthew 24:45

46Blessed is that seruaunt, whom `his lord, whanne he schal come, schal fynde so doynge.Select Matthew 24:46

47Treuli Y seye to you, for on alle his goodis he schal ordeyne hym.Select Matthew 24:47

48But if thilke yuel seruaunt seie in his herte, My lord tarieth to come,Select Matthew 24:48

49and bigynneth to smyte hise euen seruauntis, and ete, and drynke with drunken men;Select Matthew 24:49

50the lord of that seruaunt schal come in the dai which he hopith not, and in the our that he knowith not,Select Matthew 24:50

51and schal departe hym, and putte his part with ypocritis; there schal be wepyng, and gryntyng of teeth.Select Matthew 24:51