1Philemon 1

1Poul, the boundun of Crist Jhesu, and Timothe, brother, to Filemon, bilouyd, and oure helpere, and to Appia,Select Philemon 1:1

2most dere sister, and to Archip, oure euene kniyt, and to the chirche that is in thin hous,Select Philemon 1:2

3grace be to you, and pees of God oure fader, and of the Lord Jhesu Crist.Select Philemon 1:3

4I do thankingis to my God, euere more makinge mynde of thee in my preieris,Select Philemon 1:4

5heringe thi charite and feith, that thou hast in the Lord Jhesu, and to alle hooli men,Select Philemon 1:5

6that the comynyng of thi feith be maad opyn, in knowing of al good thing in Crist Jhesu.Select Philemon 1:6

7And Y hadde greet ioye and coumfort in thi charite, for the entrailis of hooli men restiden bi thee, brother.Select Philemon 1:7

8For which thing Y hauynge myche trist in Crist Jhesu, to comaunde to thee that that perteyneth to profit;Select Philemon 1:8

9but Y biseche more for charite, sithen thou art siche as the elde Poul, and now the boundun of Jhesu Crist.Select Philemon 1:9

10Y biseche thee for my sone Onesyme, whom Y in boondis bigat,Select Philemon 1:10

11which sumtyme was vnprofitable to thee, but now profitable bothe to thee and to me; whom Y sente ayen to thee.Select Philemon 1:11

12And resseyue thou hym as myn entrailis;Select Philemon 1:12

13whom Y wolde withholde with me, that he schulde serue for thee to me in boondis of the gospel;Select Philemon 1:13

14but with out thi counseil Y wolde not do ony thing, that thi good schulde not be as of nede, but wilful.Select Philemon 1:14

15For perauenture therfor he departide fro thee for a tyme, that thou schuldist resseyue hym with outen ende;Select Philemon 1:15

16now not as a seruaunt, but for a seruaunt a most dere brother, most to me; and how myche more to thee, bothe in fleisch and in the Lord?Select Philemon 1:16

17Therfor if thou hast me a felowe, resseyue hym as me; for if he hath ony thing anoied thee,Select Philemon 1:17

18ethir owith, arette thou this thing to me.Select Philemon 1:18

19Y Poul wroot with myn hoond, Y schal yelde; that Y seie not to thee, that also thou owist to me thi silf.Select Philemon 1:19

20So, brothir, Y schal vse thee in the Lord; fille thou myn entrails in Crist.Select Philemon 1:20

21Y tristnynge of thin obedience wroot to thee, witynge that thou schalt do ouer that that Y seie.Select Philemon 1:21

22Also make thou redi to me an hous to dwelle in; for Y hope that bi youre preyeris Y schal be youun to you.Select Philemon 1:22

23Epafras, prisoner with me in Crist Jhesu,Select Philemon 1:23

24greetith thee wel, and Mark, Aristark, Demas, Lucas, myn helperis.Select Philemon 1:24

25The grace of oure Lord Jhesu Crist be with youre spirit. Amen.Select Philemon 1:25