12Revelation 12

1And a greet signe apperide in heuene; a womman clothid with the sunne, and the moone vndur hir feet, and in the heed of hir a coroun of twelue sterris.Select Revelation 12:1

2And sche hadde in wombe, and sche crieth, trauelynge of child, and is turmentid, that sche bere child.Select Revelation 12:2

3And another signe was seyn in heuene; and lo! a greet reede dragoun, that hadde seuene heedis, and ten hornes, and in the heedis of hym seuene diademes.Select Revelation 12:3

4And the tail of hym drow the thridde part of sterris of heuene, and sente hem in to the erthe. And the dragoun stood bifore the womman, that was to berynge child, that whanne sche hadde borun child, he schulde deuoure hir sone.Select Revelation 12:4

5And sche bar a knaue child, that was to reulinge alle folkis in an yrun yerde; and hir sone was rauyschid to God, and to his trone.Select Revelation 12:5

6And the womman flei in to wildirnesse, where sche hath a place maad redi of God, that he fede hir there a thousynde daies two hundrid and sixti.Select Revelation 12:6

7And a greet batel was maad in heuene, and Myyhel and hise aungels fouyten with the dragoun. And the dragoun fauyt, and hise aungels;Select Revelation 12:7

8and thei hadden not myyt, nether the place of hem was foundun more in heuene.Select Revelation 12:8

9And thilke dragoun was cast doun, the greet elde serpent, that is clepid the Deuel, and Sathanas, that disseyueth al the world; he was cast doun in to the erthe, and hise aungels weren sent with hym.Select Revelation 12:9

10And Y herde a greet vois in heuene, seiynge, Now is maad helthe, and vertu, and kyngdom of oure God, and the power of his Crist; for the accuser of oure britheren is cast doun, which accuside hem bifor the siyte of oure God dai and nyyt.Select Revelation 12:10

11And thei ouercamen hym for the blood of the lomb, and for the word of his witnessing; and thei louyden not her lyues til to deth.Select Revelation 12:11

12Therfor, ye heuenes, be ye glad, and ye that dwellen in hem. Wo to the erthe, and to the see; for the fend is come doun to you, and hath greet wraththe, witynge that he hath litil tyme.Select Revelation 12:12

13And after that the dragoun sai, that he was cast doun to the erthe, he pursuede the womman, that bare the knaue child.Select Revelation 12:13

14And twei wengis of a greet egle weren youun to the womman, that sche schulde flee in to deseert, in to hir place, where sche is fed by tyme, and tymes, and half a tyme, fro the face of the serpent.Select Revelation 12:14

15And the serpent sente out of his mouth aftir the womman watir as a flood, that he schulde make hir to be drawun of the flood.Select Revelation 12:15

16And the erthe helpide the womman, and the erthe openyde his mouth, and soop up the flood, that the dragoun sente of his mouth.Select Revelation 12:16

17And the dragoun was wrooth ayens the womman, and he wente to make batel with othere of hir seed, that kepen the maundementis of God, and han the witnessing of Jhesu Crist.Select Revelation 12:17

18And he stood on the grauel of the see.Select Revelation 12:18