21Revelation 21

1And Y sai newe heuene and newe erthe; for the firste heuene and the firste erthe wenten awei, and the see is not now.Select Revelation 21:1

2And Y Joon say the hooli citee Jerusalem, newe, comynge doun fro heuene, maad redi of God, as a wijf ourned to hir hosebonde.Select Revelation 21:2

3And Y herde a greet vois fro the trone, seiynge, Lo! the tabernacle of God is with men, and he schal dwelle with hem; and thei schulen be his puple, and he God with hem schal be her God.Select Revelation 21:3

4And God schal wipe awei ech teer fro the iyen of hem; and deth schal no more be, nether mornyng, nether criyng, nether sorewe schal be ouer; whiche `firste thingis wenten awei.Select Revelation 21:4

5And he seide, that sat in the trone, Lo! Y make alle thingis newe. And he seide to me, Write thou, for these wordis ben moost feithful and trewe.Select Revelation 21:5

6And he seide to me, It is don; I am alpha and oo, the bigynnyng and ende. Y schal yyue freli of the welle of quic watir to hym that thirsteth.Select Revelation 21:6

7He that schal ouercome, schal welde these things; and Y schal be God to hym, and he schal be sone to me.Select Revelation 21:7

8But to ferdful men, and vnbileueful, and cursid, and manquelleris, and fornycatouris, and to witchis, and worschiperis of idols, and to alle lieris, the part of hem shal be in the pool brennynge with fier and brymstoon, that is the secounde deth.Select Revelation 21:8

9And oon cam of the seuene aungels, hauynge violis fulle of `seuene the laste veniauncis. And he spak with me, and seide, Come thou, and Y schal schewe to thee the spousesse, the wijf of the lomb.Select Revelation 21:9

10And he took me vp in spirit in to a greet hille and hiy; and he schewide to me the hooli citee Jerusalem, comynge doun fro heuene of God,Select Revelation 21:10

11hauynge the clerete of God; and the liyt of it lijk a preciouse stoon, as the stoon iaspis, as cristal.Select Revelation 21:11

12And it hadde a walle greet and hiy, hauynge twelue yatis, and in the yatis of it twelue aungels, and names writun in, that ben the names of twelue lynagis of the sones of Israel; fro the east thre yatis,Select Revelation 21:12

13and fro the north thre yatis, and fro the south thre yatis, and fro the west thre yatis.Select Revelation 21:13

14And the wal of the citee hadde twelue foundementis, and in hem the twelue names of twelue apostlis, and of the lomb.Select Revelation 21:14

15And he that spak with me, hadde a goldun mesure of a rehed, that he schulde mete the citee, and the yatis of it, and the wal.Select Revelation 21:15

16And the citee was set in square; and the lengthe of it is so miche, `as miche as is the breede. And he mat the citee with the rehed, bi furlongis twelue thousyndis. And the heiythe, and the lengthe and breede of it, ben euene.Select Revelation 21:16

17And he mat the wallis of it, of an hundrid and `foure and fourti cubitis, bi mesure of man, that is, of an aungel.Select Revelation 21:17

18And the bildyng of the wal therof was of the stoon iaspis. And the citee it silf was clene gold, lijk clene glas.Select Revelation 21:18

19And the foundementis of the wal of the citee weren ourned with al preciouse stoon. The firste foundement, iaspis; the secounde, safiris; the thridde, calcedonyus; the fourthe, smaragdus;Select Revelation 21:19

20the fyuethe, sardony; the sixte, sardius; the seuenthe, crisolitus; the eiytthe, berillus; the nynthe, topacius; the tenthe, crisopassus; the eleuenthe, iacinctus; the tweluethe, ametistus.Select Revelation 21:20

21And twelue yatis ben twelue margaritis, bi ech; `and ech yate was of ech margarete. And the stretis of the citee weren clene gold, as of glas ful schynynge.Select Revelation 21:21

22And Y say no temple in it, for the Lord God almyyti and the lomb, is temple of it.Select Revelation 21:22

23And the citee hath no nede of sunne, nethir moone, that thei schyne in it; for the clerete of God schal liytne it; and the lomb is the lanterne of it.Select Revelation 21:23

24And folkis schulen walke in liyt of it; and the kyngis of the erthe schulen brynge her glorie and onour in to it.Select Revelation 21:24

25And the yatis of it schulen not be closid bi dai; and niyt schal not be there.Select Revelation 21:25

26And thei schulen brynge the glorie and onour of folkis in to it.Select Revelation 21:26

27Nether ony man defoulid, and doynge abhominacioun and leesyng, schal entre in to it; but thei that ben writun in the book of lijf and of the lomb.Select Revelation 21:27