4Song of Songs 4

1Mi frendesse, thou art ful fair; thin iyen ben of culueris, with outen that that is hid with ynne; thin heeris ben as the flockis of geete, that stieden fro the hil of Galaad.Select Song of Songs 4:1

2Thi teeth ben as the flockis of clippid sheep, that stieden fro waischyng; alle ben with double lambren, and no bareyn is among tho.Select Song of Songs 4:2

3Thi lippis ben as a reed lace, and thi speche is swete; as the relif of an appil of Punyk, so ben thi chekis, with outen that, that is hid with ynne.Select Song of Songs 4:3

4Thi necke is as the tour of Dauid, which is bildid with strengthis maad bifore for defense; a thousynde scheldis hangen on it, al armure of stronge men.Select Song of Songs 4:4

5Thi twei tetis ben as twey kidis, twynnes of a capret, that ben fed in lilies,Select Song of Songs 4:5

6til the dai sprynge, and shadewis ben bowid doun. Y schal go to the mounteyn of myrre, and to the litil hil of encense.Select Song of Songs 4:6

7My frendesse, thou art al faire, and no wem is in thee.Select Song of Songs 4:7

8My spousesse, come thou fro the Liban; come thou fro the Liban, come thou; thou schalt be corowned fro the heed of Amana, fro the cop of Sanyr and Hermon, fro the dennys of liouns, fro the hillis of pardis.Select Song of Songs 4:8

9My sister spousesse, thou hast woundid myn herte; thou hast woundid myn herte, in oon of thin iyen, and in oon heer of thi necke.Select Song of Songs 4:9

10My sistir spousesse, thi tetis ben ful faire; thi tetis ben feirere than wyn, and the odour of thi clothis is aboue alle swete smellynge oynementis.Select Song of Songs 4:10

11Spousesse, thi lippis ben an hony coomb droppynge; hony and mylk ben vndur thi tunge, and the odour of thi clothis is as the odour of encence.Select Song of Songs 4:11

12Mi sister spousesse, a gardyn closid togidere; a gardyn closid togidere, a welle aseelid.Select Song of Songs 4:12

13Thi sendingis out ben paradis of applis of Punyk, with the fruytis of applis, cipre trees, with narde;Select Song of Songs 4:13

14narde, and saffrun, an erbe clepid fistula, and canel, with alle trees of the Liban, myrre, and aloes, with alle the beste oynementis.Select Song of Songs 4:14

15A welle of gardyns, a pit of wallynge watris, that flowen with fersnesse fro the Liban.Select Song of Songs 4:15

16Rise thou north wynd, and come thou, south wynd; blowe thou thorouy my gardyn, and the swete smellynge oynementis therof schulen flete.Select Song of Songs 4:16