5Zechariah 5

1And Y was conuertid, and reiside myn iyen, and siy, and lo! a book fleynge.Select Zechariah 5:1

2And he seide to me, What seest thou? And Y seide, Lo! Y se a book fleynge; the lengthe therof was of twenti cubitis, and the breede therof of ten cubitis.Select Zechariah 5:2

3And he seide to me, This is the curs, that goith on the face of al erthe; for ech theef schal be demed, as it is writun there; and ech man swerynge, schal be demyd of this also.Select Zechariah 5:3

4Y schal lede out it, seith the Lord of oostis, and it schal come to the hous of a theef, and to the hous of hym that swerith falsli in my name; and it schal dwelle in myddil of hys hous, and schal waaste hym, and hise trees, and hise stoonys.Select Zechariah 5:4

5And the aungel wente out, that spak in me, and seide to me, Reyse thin iyen, and se, what this thing is, that goith out.Select Zechariah 5:5

6And Y seide, What is it? And he seide, This is a pot goyng out. And he seide, This is the iye of hem in al erthe.Select Zechariah 5:6

7And lo! a talent of leed was borun; and lo! a womman sittynge in myddil of the pot.Select Zechariah 5:7

8And he seide, This is vnpite, ether vnfeithfulnesse. And he castide doun hir in myddil of the pot, and sente a gobet of leed in to the mouth therof.Select Zechariah 5:8

9And Y reiside myn iyen, and siy, and lo! twei wymmen goynge out, and a spirit in wyngis of hem; and thei hadden wyngis as wyngis of a kite, and reisiden the pot bitwixe heuene and erthe.Select Zechariah 5:9

10And Y seide to the aungel that spak in me, Whidur beren these the pot?Select Zechariah 5:10

11And he seide to me, That an hous be bildid therto in the lond of Sennaar, and be stablischid, and set there on his foundement.Select Zechariah 5:11